72
Nigada paila guyau
Mwa Yaubada! Kuvituloki guyau
kidamwa biyakali la tomota metoya yoku om mitukwaibwaila.
Bukupati m kwaraiwaga duwosisia baisa matauna,
kidamwa biguyau odubasi m tomota deli karaiwaga duwosisia,
e bigiyoubwaila baisa matausina eibodasi lamadada.
Ibodi viloumwaidona valu bisibwabwailasi,
uula goli m mitukwaibwaila.
Ibodi guyau biyakali tonamakava metoya karaiwaga duwosisia.
Ibodi bipilasi matausina availa availa eibodasi mwau,
deli bikalisuwoli kasi tolamadada.
Ibodi m tomota bitapwarorusi baisa yoku makawala kala kaduwonaku kalasia bititapi,
e makawala kala kaduwonaku tubukona bilumalama, igau tovana valu bima.
 
Ibodi tomota bilumkolaisi guyau la giyoubwaila makawala kuna ikukuni bagula,
e makawala kunobisibasi ovalu komwaidona.
Ibodi bubunela bwaina bikaligiaki valu ola tuta tomomova guyau,
e valu viloumwaidona bisibwabwailasi makawala kala kaduwonaku tubukona bilumalama.
 
Matauna la kabokwaraiwaga kala kwaiveka metoya pilatala bolita bila itobu piliyuwela,u
e metoya makaduyona Waya Yupereiti bila itobu okala vigimkovila valu watanawa. +
Tolesi viloupakala bikululusi omatala matauna,
e kala tilaula bikavaginasi opwaipwaia.
10 Guyousi Sipeini e simlav guyousi bisakaisi si bobwailila baisa matauna,
e guyousi Arebia deli Idiopia bisemakavaisi baisa matauna.
11 Gweguya komwaidosi bikululusi omatala matauna,
e komwaidona boda ituwoli ituwoli biwotitalaisi matauna.
 
12 Ikoli tonamakava availa availa idousi baisa matauna,
deli goli matausina eibodasi mwau, e deli tuvaila tosigumalawa.
13 Inokapisi tomamama deli tonamakava,
e ikatumovi matausina eibodasi mwau,
14 Ikoli matausina metoya tolamadada deli togigasisi,
e si momova eivigaki veiguwatoula.
 
15 Guyauwʹe - guyau!
Ibodi goula metoya mapilana Arebia bitasaiki matauna,
deli tuta komwaidona bitanigada paila matauna.
Ibodi Yaubada bimitukwaii matauna tuta komwaidona.
16 Ibodi mapilana valu bikasewoki kaula,
deli bagula wa koya bikabinai sainela,
kasi kabinai makawala mina Lebanoni si bagula.
Ibodi vilouvakaveka bipulupuloluwa tomota,
makawala mnumonu osaivau.
17 Ibodi Guyau yagala gala avai tuta bitamwau,
deli bulogala bikanuvagasi makawala kalasia ikanuvagasi.
Ibodi komwaidona boda ituwoli ituwoli biyakawolaisi matauna.
Ka, ibodi binigadasi mwada Yaubada bimitukwaii matausina,
e deli binigadasi kidamwa guyau nanola bimwamwasila.
 
18 Kala yakaula Guyau,w matauna mina Isireli si Yaubada!
Kalamwaleta wala matauna iuvagi makwaisina vavagi kabokatubau.
19 Bitayakawolaisi matauna Toguyugwayu tuta gala wala biwokuva.
Ibodi komwaidona valu watanawa bikasewoki kala katububula.
 
Emeni! Emeni!
 
20 Mapilana goli kala vigimkovila la nigada Debida, matauna Yese latula.
u 72:8 Mapilasina pilayu bolita, pilatala opilikwaibwaga yagala Bolita Kwaiveka, e mapilana opilibomatu baisa mina Babiloni si bolita. + 72:8 72.8 Sek 9.10 v 72:10 Bolita Kwaiveka simlela. w 72:18 Sam 72 kala vigimkovila mailela 17. Oluvi mailela 18-19 baisa kala vigimkovila Sam buki piliyuwela (Sam 42-72). Mailela 20 baisa kesala pilatala buki pilabogwa ambaisa eikougugulaisi mimilisi Debida la sam.