81
Wosila Vilouwosi
Kugovasi deli mwasawa baisa Yaubada matauna kada tokwalasi.
Kuwosisi yakaula baisa Yekobe la Yaubada.
Kulatataisi kaisosau deli kukimgolaisi sasani.
Kumwasawaisi butula bwaina metoya wa gita deli yuka.
Kuyuvaisi tauya paila vilouwosi,w
avai tuta tubukona navau deli avai tuta tubukona biyapila.
Baisa goli kasi karaiwaga mina Isireli,
e karaiwaga metoya baisa Yekobe la Yaubada.
E bogwa eisaikibogwi baisa mina Isireli,
avai tuta eiyowai mapilana valu Itipita.
 
Lalilagi kaigila kaigimitawasi eililivala, kawala,
“Bogwa lakau koni mwaux metoya ovilavami,
e atugwalaimi bukutayaisi mi koni makwaisina dakuna.
Avai tuta lokubodasi mwau bogwa kudousi baisa yeigu, e bogwa lakolaimi.
Metoya ogu kwabosupepuni outuyagila, yeigu lamapu mi dou.
Yeigu awakolaimi mapilana outuwotula Meriba.
Yokomi ulo tomota, kunakaigalaisi avaka ulo katuloluta.
O mina Isireli, saina magigu yokomi bukunakaigalaigusi!
Yokomi gala wala avai tuta ibodi bukutapwarorusi baisa natana ituwoli yaubada.
10 Yeigu wala Guyau mi Yaubada,
lavisunupuloiyaimi metoya mapilana Itipita.
Kukwapogegasi e yeigu bavakomaimi.
 
11 “Mitaga ulo tomota gala wala inakaigalaigusi.
Mina Isireli gala wala ikabikuwolaigusi.
12 Mapaila baisa yeigu akilavi wala matausina saina kasai dubasi,
e atagwala bivagaisi avaka ninasi.
13 Saina magigu ulo tomota kidamwa binakaigalaigusi.
Saina magigu matausina kidamwa bikabikuwolaigusi!
14 Kaguyam makawala, saina nanakwa wala bakalisau kasi tilaula,
e batomgwaga odubasi kasi leiya komwaidona.
15 Matausina eivigakaigusi tokukolosi igau bikululusi omatagu deli kasi kokola,
e kasi mipuki bogwa bikanigaga goli.
16 Mitaga yeigu bavakomaimi metoya odilimoya witi,
deli bavakomataimi metoya kitorina kwebubolodila.”
w 81:3 Baisa paila Buliyoyova Pakala. x 81:6 Ililivala paila si tuta ula mapilana Itipita.