97
Yaubada matauna Giyoumatala
Guyau matauna da Guyausi!b Yoku valu watanawa kumwasawa!
Kumwasawasi, yokomi simla obolita!
Lowalowa deli dudubila itavinaisi itapataisi matauna.
Matauna iguyau metoya ola giyoubwaila e deli karaiwaga duwosisia.
Kova ikukugwa omatala matauna,
e igibuwoli kala tilaula eitavinaisi eitapataisi matauna.
Matauna la kavikavila ititapi ovalu watanawa.
e valu watanawa igigisi makwaina iigayega.
Koya ikaligeyaisi omatala Guyau,
e omatala matauna Guyoula valu watanawa komwaidona.
Mina labuma ikamitulaisi matauna tomitukwaibwaila,
deli komwaidona boda ituwoli ituwoli igisaisi kala katububula.
 
Matausina availa availa itapwarorusi baisa tokolu ivigaki kasi mmosila.
Komwaidona minasina yaubada tokolu ikavaginasi omatala Guyau.
Mwa Guyau! Mina Saiyonic imwamwasila ninasi,
e mapilasina Yuda imwasawasi,
paila m kwaraiwaga makwaisina.
Guyau Topeuligaga, yoku goli kala tokwaraiwaga valu watanawa komwaidona.
Yoku saina tovakaigaga metoya komwaidona minasina yaubada.
 
10 Guyau iyebwaili matausina kwekukolosi mitugaga.
Matauna ikoli si momova la tomota,
e ikoli matausina metoya oyumasi tomitugaga.
11 Lumalamad ivisigili matausina tomitukwaibwaila,
e mwasawa baisa matausina bubunesi bwaina.
12 Komwaidomi yokomi tomitukwaibwaila ibodi bukumwasawasi
paila avaka Guyau bogwa leivagi!
Kululuwaisi avaka Guyau Tobumaboma bogwa leivagi,
e kunokagutokisi baisa matauna.
b 97:1 Kugisi Sam 8.1. c 97:8 Matausina tolesi Yerusalem. d 97:11 Lumalama ikibuboti momova deli peulela.