5
Buki pilakatubili, deli matauna Lam
E agisi pilatala buki pilakatubili oyamala kakata matauna isisu otakaikaia e kala ginigini isisu olopola deli otapwala mpana. E leisipukikitaisi mapilana kala sipu sipulima sipuyu gala gagabila availa bitanekumakavi. + E agisi taitala anelosi saina topeula ikamituli kaigaveka, “Availa ibodi bitaneku kala sipu e biulaim mapilana?” Mitaga gala availa isisu wa labuma kaina odabala pwaipwaia kainaga osikowala pwaipwaia,b gala wala availa ibodi biulaim kaina bigisi olumoulela mapilana. E saina wala auvalam paila gala bibanaisi availa bibodi matauna biulaim mapilana kaina bigisi olumoulela. E taitala matausina tommoya ilukwaigu, kawala, “Kusimla. Kugisa, ka! Matauna tabula tatoula Giyoubogwa Debida, metoya odalela Yuda, idokaisi Laiyoni,c matauwena bogwa itomgwaga, e ibodi matauna bitaneku kala sipu sipulima sipuyu deli biulaim mapilana buki.” +
E omatala takaikaia agisi taitala migila makawala natana Lam itotu, deli minasina navasi nammomova toyo tommoya eitoulaisi matauna. E matauna Lam kala gigisa makawala bogwa availa eikatumati. E isim kala doga kailima kaiyu deli matala pilalima pilayu. Baisaga Yaubada la baloma tailima taiyu bogwa leiwitali leitavinaisi ovalu watanawa komwaidona. + E matauna Lam ila ikau mapilana buki pilakatubili metoya oyamala kakata matauna isisu otakaikaia. Tutala ikokeula mapilana, e minasina navasi nammomova deli tommoya tailuwoyu taivasi ikikavaginasi omatala matauna Lam. Taitala taitala la gita oyamala deli iyosisi kaboma goula ivakasau bulami maiina simasimina e makaina bulami baisa totapwaroru si ninigada. + E ivitauwaisi kasi wosi pilavau. Kawasi,
“Ibodaim goli bukukwau mapilana pilakatubili,
e bukutaneku kala sipu.
Paila bogwa ikatumataimsi,
e metoya obuyavim lokumapu tomota paila Yaubada,
metoyasi ambaisa ambaisa, dala, bona, tomota, valu,
matausina goli lokumapu. +
10 E bogwa kuvigaki matausina biguyausi bitolulasi,
kidamwa biwotitalaimsi yoku ma Yaubadasi.
E matausina bikaraiwagasi ovalu watanawa makwaina.” +
11 E agisi e ka, saina bidugaga anelosi lakatuluwovila galaga gagabila bitakalau, ititoulaisi takaikaia makwaina deli minasina navasi nammomova toyo tommoya. + 12 E kaigasi kaigaveka iusiwosisi, kawasi,
“Bogwa leikatumataisi matauna Lam,
e ibodi matauna bikuli la karaiwaga, la veiguwa, la kabitam, la peula,
kala kamaiaba, kala yakaula, kala kavisi.”
13 E alagi komwaidosi tommomova wa labuma, odabala pwaipwaia, osikowala pwaipwaia, obolita - e komwaidosi tommomova goli iusiwosisi, kawasi,
“Baisa matauna isisu otakaikaia deli matauna Lam,
kausiwosisi kala yakaula, kala kamaiaba, kala katububula deli la peula,
gala biwokuva e bikanigaga.”
14 E minasina navasi nammomova ikaibigasi, “Emeni!” E tommoya itapopulasi ikavaginasi, e itapwarorusi baisa matauna.
+ 5:1 5.1 Ais 29.11; Isi 2.9-10 b 5:3 Mapilana si valu tomata. c 5:5 Matauwena Yesu Keriso. + 5:5 5.5 Vit 49.9; Ais 11.1,10 + 5:6 5.6 Ais 53.7; Sek 4.10 + 5:8 5.8 Sam 141.2 + 5:9 5.9 Sam 33.3; 98.1; Ais 42.10 + 5:10 5.10 Sun 19.6; YG 1.6 + 5:11 5.11 Dan 7.10