Matthew
21
1 Tana jubaiko Jerusalem kadai je mon Bethphage jubaiko milnkol mantjal Jesus nulu kortiva jerkangāi nangu tegai
2 nulu koko jerba damangan: “Jubale date jambanai, jura natinujina jemon, jubale mamalma jereman kadeiga kankaltjir gumbin darngal, jina ngato mante.
3 Bama jendu koko batal; ngani? jubale jerba: ‘Master ngantanan tegai’, ujurke nulu tana tegala.”
4 Jinarana jitaranu, koko propetawai manuputan merilil, nulu jerba:
5 “Nudi koko batala ngutur Sion:
Namala master nganu kada nganunka,
dauun ningankal dagarkar jeremantjir.”
6 Nangu jerkangai datai m balkalkai, wandare Jesus koko banti danangan.
7 Tana mante jereman kankaltjir marar tanangan pirbai dagargar m jitare nangu jemon.
8 Bama warkangamu dambare marar tanangan dutanwai mundal jokungan pinda bantila m najun dutanwai dambare.
9 Bama warkangamu gurir datai m dagalbai. Kadai ganal bantil jerba:
“Hosianna jumur David,
nundu kadai puriwai masterngan,
Hosianna wankarwai.”