15
Judare guru mâreŋ jarembiŋ
1 Eme Judare guru garikiŋfâc‐jeŋic jaŋere sâc mâreŋ rukec qajarepie qaŋeŋne Edom mâreŋko fisiwec. Ehuc Ziŋ mâreŋ burocne juwic jâmbâŋ hurâ rawec.
2 Eme jaŋere ma i juwic Hâwec Hâmocne tataranao hâwec raʒikicne fokac irecnec fuŋkerâ mâreŋ juwicpec rawec.
3 Erâ mâreŋ juwicpec jaha raku Akerabim heâŋ fotâcnerâ Ziŋ mâreŋko fisiwec. Ehuc Kadesi‐Baranea juwicpec Hezoroŋ haeopec feraku Adari haeo fisiwec. Ehuc bâŋorierâ Karaka haeo fisiwec.
4 Erâ raku Azamoŋ haeo fisirâ fotâcnerâ Aigita opâopec raku hâwecko mickewec. Izi hâcne mâreŋ juwicpec irec majeŋic ewec.
5 Eme ʒoaŋ wewefunaopec irec ma ine Hâwec Hâmocne qacnerâ feraku Jordaŋ micnao fisiwec. Â mâreŋ faicpec irec ma ine Jordaŋ micnao hâwec raʒikicne irecnec ferawec.
6 Eme ma izi Bete‐Hogela haeo fisirâ fotâcnerâ Bete‐Araba hae faicnao fisiwec. Erâ feraku Rubeŋte ŋokâ Bohaŋ ere qânâ ŋewecko fisiwec.
7 Erâ Akoro wâneŋkopec feraku Debiri haeo fisirâ faicpec jaha raku bâŋorierâ Giligali haeopec rawec. I Adumin heâŋ‐ticne irec ŋifecnao juwicpec wâneŋ forakac izi ma ewec. Eme ma i ʒuhuckerâ raku Eŋ‐Semesi opâo fisirâ fotâcnerâ raku Enerogele haeo mickewec.
8 Erâ ʒuhuckerâ feraku Hinom ŋokâ‐ticnere wâneŋ fotâcnerâ Jebusi ŋic jaŋere tikio Jerusalem hae ŋewec irec tapine juwicpec fisiwec. Erâ feraku tiki botâŋnao fisiwec. Tiki izi ine Hinom wâneŋ ʒoaŋ huhunaopec foha faicpec Refaim wâneŋ mickekacko ŋewec.
9 Eme tiki botâŋnaonec ʒuhuckerâ raku Nefitoa opâ ʒâŋeo fisiwec. Eme irecnec raku Eforoŋ tiki irec hae ŋerawecko fisiwec. Eme irecnec ŋehasickerâ Bala hae, Kiriati‐Jearim hâcne, ira fisiwec.
10 Eme Bala haeonec ʒoaŋ huhunaopec ŋehasickerâ Seiri tikio fisi fotâcnerâ raku faicpec Jearim tiki, Kesaloŋ hâcne, irec ombâŋnao fisiwec. Ehuc Bete‐Semesi haeo hurâ Timina haeopec rawec.
11 Erâ mazi faicpec tiki ombâŋnao fotâcnerâ raku bâŋorierâ Ekoroŋ haeo fisiwec. Erâ raku Bala tikio fisi fotâcnerâ Jabinele haeo rawec. Erâ raku hâwecko mickewec.
12 Eme ʒoaŋ huhunaopec ine Hâwec Sâko qacnerâ ferakac izi majeŋic ewec. Eme i hâcne Juda guru garikiŋ‐jeŋic sâc mâreŋ majeŋic ewec.
Kalebezi Heboroŋ â Debiri hae rauc‐jofawec
(Mum 1:10–15)
13 Wofuŋzi Josua mutâcnecnewec irec sâcko Jefune ŋokâ‐ticne Kalebe Judare guruo mâreŋ dâkâne moc Arabare hae, Heboroŋ hâcne, i râcnewec (Aroba e Anakare mamac).
14 Eme Kalebezi Anaka ŋokâfâc‐ticne jahec â moc: Sesai, Ahimaŋ â Talamai jaŋe mâreŋ irecnec jopa jâpec ejarewec. Jaŋe Anaka ere ɋâricfâc hâcne.
15 Eme irecnec ine Debiri haere ŋecjucfâc jopaocte rawec. Debiri haere ʒâŋe ine mârâc Kiriati‐Sefe iŋuc fowec.
16 Eme Kalebezi muwec: “Moc e Kiriati‐Sefe ŋic imac‐joparâ hae i rome otâ‐nane Akisa ŋonâŋ‐ticne eocte râcnepemu.”
17 Eme Kalebe ɋaticne Kenaʒi ere ŋokâ Otinie eki hae i rowec. Eme Kalebezi otâ‐ticne Akisa râcnewec.
18 Eme ŋokac e fisime hesarac mâreŋte mamac‐ticne wiocneocte ŋowenezi ʒoɋac ecnewec. Eme doŋgionec wahame Kalebezi wiocnerâ muwec: “Wemo wiacte egarekac?”
19 Eme eki âzâcnerâ muwec: “Negebe mâreŋko râecnumeŋ irec wiac moc tahacnuc, ehuc opâ ʒâŋe wâc narec.” Eme Kalebezi opâ ʒâŋe faic â juwic i mâmâc râcnewec.
Judare guru jaŋere hae ŋerawec irec ʒâŋe biri
20 Judare guru jaŋe garikiŋ‐jeŋic sâc hae mâreŋ ro rauc embiŋ ʒi hâcne.
21 Judare guru jaŋere hae mâreŋ juwicpec Edom mâreŋ mao ŋerawec ine ʒiŋuc: Kabezele, Edere, Jaguru,
22 Kina, Dimona, Adada,
23 Kedesi, Hazoro, Itinaŋ,
24 Ʒifi, Telem, Bealoti,
25 Hazo‐Hadata, Kerio‐Hezoroŋ, (Hazoro hâcne),
26 Amam, Sema, Molada,
27 Haza‐Gada, Hesemoŋ, Bete‐Pelete,
28 Haza‐Sua, Bere‐Seba, Bizioteja,
29 Bala, Iim, Ezem,
30 Elitoladi, Kesili, Horima,
31 Zikilaga, Madimana, Saŋsana,
32 Lebaoti, Silihim, Aiŋ â Rimoŋ. Hae kâcɋene 29, erâ kâkâcɋene gâcne mâmâc.
33 Eme wâneŋko ine Esitaoli, Zora, Asina,
34 Ʒanoa, Eŋ‐Ganim, Tapua, Enam,
35 Jaramuti, Adulam, Soko, Aʒeka,
36 Saraim, Aditaim, Gedera, â Gederotaim. Hae kâcɋene 14, erâ kâkâcɋene gâcne.
37 Zemaŋ, Hadasa, Migi‐Dalaga,
38 Dilaŋ, Mizipe, Joketele,
39 Lakisi, Bozakati, Egeloŋ,
40 Kaboŋ, Lamasi, Kitilisi,
41 Gederoti, Bete‐Dagoŋ, Nama â Makeda. Hae kâcɋene 16, erâ kâkâcɋene gâcne.
42 Libina, Eteri, Asaŋ,
43 Ifita, Asina, Nezihi,
44 Keila, Akaʒibi â Maresa. Hae kâcɋene 9, erâ kâkâcɋene gâcne.
45 Ekoroŋ hae, erâ hae kâcɋene â piticne gâcne.
46 Eme Ekoroŋ haeonec raku Asidode hae fotâcnerâ hâwecko fisikac mâreŋ ŋondeŋ ira hae ŋerawec i wâc mâmâc.
47 Asidode hae, erâ hae kâcɋene â piticne gâcne, Gaza hae, erâ hae kâcɋene â piticne gâcne. Erâ raku Aigita opâ, erâ Hâwec Sâkoopec mâreŋ i mâmâc raucke‐fârembiŋ.
48 Tiki mâreŋko ine Samiri, Jatiri, Soko,
49 Dana, Kiriati‐Sana, Debiri hâcne,
50 Anaba Esetena, Anim.
51 Goseŋ, Holoŋ â Gilo. Hae kâcɋene 11, erâ kâkâcɋene gâcne.
52 Araba, Duma, Esaŋ,
53 Janim, Bete‐Tapua, Afeka,
54 Humita, Kiriati‐Araba, Heboroŋ hâcne, â Zioro. Hae kâcɋene 9, erâ kâkâcɋene gâcne.
55 Maoŋ, Karamele, Ʒifi, Juta,
56 Jesere, Joke‐Deam, Ʒanoa.
57 Kaiŋ Gibea â Timina. Hae kâcɋene 10, erâ kâkâcɋene gâcne.
58 Halahuli, Bete‐Zuru, Gedoro,
59 Marata, Bete‐Anota â Elitekoŋ. Hae kâcɋene 6, erâ kâkâcɋene gâcne.
60 Kiriati‐Baali, Kiriati‐Jearim hâcne, â Raba. Hae jajahec, erâ kâkâcɋene gâcne.
61 Eme mâreŋ burocnao ine Bete‐Araba, Midiŋ, Sekaka,
62 Nibisaŋ, hâwec hae hâcne, â Eŋgedi. Hae kâcɋene 6, erâ kâkâcɋene gâcne.
63 Judare guru jaŋe Jerusalem ŋecjucfâc‐ticne Jebusi ŋic jopa jâpec sâcne mi ejarembiŋ. Irec Jebusi ŋic jaŋe Judaŋic jaŋehec Jerusalemko jumbiŋzi juŋgopieŋ jaha.