136
Anutu wiac bapa‐ticnere daŋge âzâcnezo
1 Wofuŋ daŋge âzâcneniŋ, e uruc jauŋ‐ticnehec;
oc, aki anonoc‐ticne fofo sanaŋ fokac.
2 Nemu jowarurâ Anutu jukac e daŋge âzâcneniŋ;
oc, aki anonoc‐ticne fofo sanaŋ fokac.
3 Ŋicbomboŋ jowarurâ Wofuŋ jukac e daŋge âzâcneniŋ;
oc, aki anonoc‐ticne fofo sanaŋ fokac.
4 Buc mâsi sâko baekac e daŋge âzâcneniŋ;
oc, aki anonoc‐ticne fofo sanaŋ fokac.
5 Mamanaheczi sambâŋ bâfuawec e daŋge âzâcneniŋ;
oc, aki anonoc‐ticne fofo sanaŋ fokac.
6 Opâ faio mâreŋ qaratiewec e daŋge âzâcneniŋ;
oc, aki anonoc‐ticne fofo sanaŋ fokac.
7 Tatamac kâcɋene bâfuawec e daŋge âzâcneniŋ;
oc, aki anonoc‐ticne fofo sanaŋ fokac.
8 Hae fureha guriŋne baocte ʒoaŋ bâfuawec e daŋge âzâcneniŋ;
oc, aki anonoc‐ticne fofo sanaŋ fokac.
9 Hae ŋafeha guriŋne baniŋte mosa bâpiŋ bâfuac‐jopawec e daŋge âzâcneniŋ;
oc, aki anonoc‐ticne fofo sanaŋ fokac.
10 Aigita mâreŋko mârâc fufuafâc‐jeŋic jopawec e daŋge âzâcneniŋ;
oc, aki anonoc‐ticne fofo sanaŋ fokac.
11 Ŋondeŋ‐jeŋickonec Israe kikefuŋ baefuc‐jopawec e daŋge âzâcneniŋ;
oc, aki anonoc‐ticne fofo sanaŋ fokac.
12 Mesanaŋ‐ticne bâfeŋnerâ iŋuc ejarewec e daŋge âzâcneniŋ;
oc, aki anonoc‐ticne fofo sanaŋ fokac.
13 Hâwec Bâbâroŋ bâfâuckeme jajahec epic e daŋge âzâcneniŋ;
oc, aki anonoc‐ticne fofo sanaŋ fokac.
14 Israe guru ejareme ʒâʒâŋiŋ jaha fotâcnembiŋ e daŋge âzâcneniŋ;
oc, aki anonoc‐ticne fofo sanaŋ fokac.
15 Farao â ŋicfâcne Hâwec Bâbâroŋko sâroc‐jopame humbiŋ e daŋge âzâcneniŋ;
oc, aki anonoc‐ticne fofo sanaŋ fokac.
16 Ŋicfâcne mâreŋ tuhuo jowac‐jopame rambiŋ e daŋge âzâcneniŋ;
oc, aki anonoc‐ticne fofo sanaŋ fokac.
17 Ŋicwofuŋ kâcɋene jopa jâpec ejarewecte daŋge âzâcneniŋ;
oc, aki anonoc‐ticne fofo sanaŋ fokac.
18 Ŋicwofuŋ ʒâŋe biŋehec qâhâmoc‐jopawecte daŋge âzâcneniŋ;
oc, aki anonoc‐ticne fofo sanaŋ fokac.
19 Amori ŋic jaŋere ŋicwofuŋ Sihoŋ qawecte daŋge âzâcneniŋ;
oc, aki anonoc‐ticne fofo sanaŋ fokac.
20 Basaŋ mâreŋte ŋicwofuŋ Ogo qawecte daŋge âzâcneniŋ;
oc, aki anonoc‐ticne fofo sanaŋ fokac.
21 Erâ mâreŋ‐jeŋic merâfâc muhuc ŋicfâcne jarewecte daŋge âzâcneniŋ;
oc, aki anonoc‐ticne fofo sanaŋ fokac.
22 Kiŋaŋŋic‐ticne Israe mâreŋ merâfâc râcnewecte daŋge âzâcneniŋ;
oc, aki anonoc‐ticne fofo sanaŋ fokac.
23 Eki hâcne qarâ suriŋne juhapene manasuc‐nâpowec;
oc, aki anonoc‐ticne fofo sanaŋ fokac.
24 Erâ râsifâc‐nâŋec jaŋere meonec batarac‐nâpowec;
oc, aki anonoc‐ticne fofo sanaŋ fokac.
25 Eki hâcne wiac jujune sasawa nânâ gumec‐jopaekac;
oc, aki anonoc‐ticne fofo sanaŋ fokac.
26 Sambâŋte Anutu daŋge âzâcneniŋ;
oc, aki anonoc‐ticne fofo sanaŋ fokac.