142
Râsimaŋko juhuc Wofuŋ wâsickekicne
1 Hahaŋne bahuc Wofuŋ dâŋ âzâcnekopac,
erâ wâc hahaŋne bahuc Wofuŋ wâsickekopac.
2 No mu huacbuc‐nane guruckecnekopac,
ehuc ʒârâ hâriŋ‐nane mufuacnekopac.
3 No maŋnane gâckehame goki ine fuŋne‐nane manakic;
no hatagâŋ juekopacko jaŋe kamierâ bitiŋ râe‐narembiŋ.
4 No fâreopec fihuc ruc bakopac,
eme moczi hone ʒâŋitac mi enarekac;
sâsâoc moc bâfuapemurâ basakopac;
moczi hone jauŋ mi enarekac.
5 O Wofuŋ, no wâsicgukopac, ehuc mukopac:
“Huec‐nane go, juju mâreŋte kâdoc‐nane go.”
6 No betaŋkekopacte wâwâsic‐nane manac.
Jâpecnueŋgopieŋ jaŋere meonec bataracnuc;
jaŋe sanaŋkehuc siricnuŋgopieŋ.
7 Kâpâcwâruonec firuecnuc,
eme ʒâŋege muafeckepemu.
Goki ehâmo‐narecmuo ine
tiŋne jaŋe fisi orâŋnuniŋmu.