23
Wofuŋte jauŋ biaŋ
1 Wofuŋ e lama‐ticne nore soŋaŋ,
no wiac moc mi basapemu.
2 Kecɋaŋ geunao enareme waha fomanaekopac,
opâ heririŋ toma biaŋnao jowacnuekac.
3 E maŋ qâqâtâc‐nane gumeqiŋneekac.
E ʒâŋe biŋe‐ticnere erâ,
tiŋne hatao jowacnu raekac.
4 Wâc tucduŋ fotâcnehape duŋdapâczi foŋnume,
sifu sisipiricte mi hâwicnuocmu;
wiac go nohec jukic i,
ɋarucge â gunuge jahe hemiriŋnukopirec.
5 Go tiwâ ʒepec bâmocke‐nareekic,
kisâfâc‐nane jaŋere maio.
Go qizec‐nane tokic ruacneekic,
â kâdoc‐nane hefuseekic.
6 Mâreŋko jufehuc jupemu sâc,
juju biaŋ â miriŋ qâtecnunicmu,
â Wofuŋte ufuŋko ŋec domac ehape,
juju dameŋ‐nane tarazokac.