4
Guŋdameŋte nunumu
1 Sacfozic Anutu‐nane, go wira‐garepe mana‐narec.
No gâŋgâŋko fohape sawane bâfua‐nareekiczi
aki anonoc enarehuc nunumu‐nane manac.
2 Ŋicbureŋ, ʒâŋe biŋe‐nane ro waha âte eku
wezimucko beheniŋmu?
Dâŋ jawanere aŋac â burecte wosaŋeŋ gie,
i mo dameŋko hetaraniŋmu?
3 No Wofuŋte biŋe epemurâ ro sakac enarewec,
i ŋoŋe hone taranʒapiŋ me.
No wira wâwâsic ecnepe Wofuŋzi manaekac.
4 Kimbeŋ qazo qaniŋ, mâc sindaŋ ine mi eniŋ.
Fofo‐ŋeŋicko fohuc maŋzi mana wosâeniŋ,
ehuc niniŋkeniŋ.
5 Taha fâri biaŋ râeniŋ,
â mamanac‐ŋeŋic Wofuŋtao fooc.
6 Bocjahazi mueŋgopieŋ,
“Wemocko wiac biaŋ moc honenʒapeŋ!”
Wofuŋ, go ʒâŋe maige bâfeŋnetec tamae‐nâreoc.
7 Go nore maŋko aŋac ʒeri fekicne bâfuameŋ;
nânâ mâriri dameŋ‐jeŋicko bubiaŋ mamana i wahakac.
8 Maŋbahac fâsâc waha fohape guŋzi qâmâcnuzejec;
Wofuŋ gore micte hâcne wamao ŋec juc eekopac.