43
Mitiŋic e maŋhâhâŋ jaha ecnekac
1 O Anutu, miti tâmiric jaŋere ŋezicnuhuc dâŋnane dopeckec,
ŋic eeatucne â hehesine jaŋeraonec bataracnuc!
2 Dapeŋ‐nane Anutu go hâcne; no ira soŋkeekopac;
irec wemocte behecnukomec?
No râsizi bâuruŋnume wemocte maku erâ jukopac?
3 Tatamacge â ʒâziriŋ dâŋge râetec wareoc, izi jowacnuzejec.
Jowacnu fâkume tiri tikigao â ŋeŋe jujugao fisizepac.
4 Eme Anutu gore alata bâqiŋkepemu,
joroc Anutu‐nane go maicgupemu,
erâ musi bahuc mumuteŋ gae hegarepemu,
o Anutu, nore Anutu.
5 Maŋnane go wemocte boc gâpârekic?
 wemocte boc hâhâŋkekic?
Anuture woŋec juc! E ʒâŋe mai‐nanere babafic
â Anutu‐nane jukacte daŋge âzâcnepemu.