7
1 Malaa, di madagoaa di abaaba la guu lawa, nia bontai guu wanga, digau hagaloohi gu i golo, nia buini gau hai daahili mo digau Levi ala i golo guu wanga nadau hegau.
2 Au guu wanga agu daane dogolua belee madamada humalia i di waahale o Jerusalem, dogu duaahina daane go Hanani mo Hananiah, di tagi nia buini dauwa ala e loohi di abaaba dauwa. Hananiah taane manawa donu ge madagu ia God, tangada e hai be mee ai.
3 Au gu hagi anga gi meemaa bolo ginaua hudee hugee nia bontai di abaaba Jerusalem luada, gaa dae loo gi di laa gaa hobo, gei meemaa gi taidia mo di loogu ina nia maa i mua digau hagaloohi ala ma gaa hula hiahi. Gei au guu hai labelaa gi meemaa bolo gi hilihilia nau gau hagaloohi i lodo digau ala e noho i Jerusalem, gei gi duwwe gi hunu digaula gi madamada humalia nia ngudu di abaaba, gei hunu gau i digaula gi hagaloohi nia gowaa i di gili nadau hale.
Digau ala ne lloomoi i muli nadau noho i tenua gee
(Ezra 2.1-70)
4 Jerusalem la di waahale damana, gei digau hua hogoohi ala e noho i golo, nia hale e logo digi hagatuu aga ina.
5 God guu dongo ogu lodo bolo au gi haga dagabuli ina nia daangada huogodoo, mo nadau dagi, mo digau aamua gi hagadina ina di beebaa o nadau madahaanau. Malaa, au gu gidee di beebaa o digau ala ne lloomoi matagidagi gi daha mo nadau galabudi. Deenei la di hagahonu di beebaa deelaa:
6 Digau dogologo nogo i Babylon guu hula gi muli gi Jerusalem mo Judah, tei gii hana gi dono guongo. Nia madahaanau digaula nogo noho dagidahi i Babylonia mai i di madagoaa di King Nebuchadnezzar ne lahi digaula be digau galabudi.
7 Nia dagi digaula la go: Zerubbabel, Joshua, Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum mo Baanah.
8-25 Aanei nia ingoo o nia madahaanau llauehe digau Israel mo di hulu o nia madahaanau ala ne lloomoi i muli nadau noho i tuai henua:
Parosh — 2,172
Shephatiah — 372
Arah — 652
Pahath-Moab (di hagadili ni Jeshua mo Joab) — 2,818
Elam — 1,254
Zattu — 845
Zaccai — 760
Binnui — 648
Bebai — 628
Azgad — 2,322
Adonikam — 667
Bigvai — 2,067
Adin — 655
Ater (di hagadili ni Hezekiah) — 98
Hashum — 328
Bezai — 324
Hariph — 112
Gibeon — 95
26-38 Di hulu o nia daangada ala nadau damana mmaadua nogo noho i nia waahale aanei la gu lloomoi labelaa:
Bethlehem mo Netophah — 188
Anathoth — 128
Beth-Azmaveth — 42
Kiriath-Jearim, Chephirah, mo Beeroth — 743
Ramah mo Geba — 621
Michmash — 122
Bethel mo Ai — 123
Nebo dela i golo — 52
Elam dela i golo — 1,254
Harim — 320
Jericho — 345
Lod, Hadid mo Ono — 721
Senaah — 3,930
39-42 Aanei nia ingoo nia madawaawa digau hai mee dabu ala ne lloomoi i muli nadau noho i tuai henua:
Jedaiah (nia hagadili o Jeshua) — 973
Immer — 1,052
Passhur — 1,247
Harim — 1,017
43-45 Aanei nia ingoo nia madawaawa digau Levi ala ne lloomoi i muli nadau noho i tuai henua:
Jeshua mo Kadmiel (nia hagadili o Hodaviah) — 74
Digau daahili o di Hale Daumaha (nia hagadili o Asaph) — 148
Digau hagaloohi di Hale Daumaha (nia hagadili o Shallum, Ater Talmon, Akkub, Hatita mo Shobai) — 138
46-56 Aanei nia madawaawa o digau ngalua di Hale Daumaha ala ne lloomoi i muli nadau noho i tuai henua:
Ziha, Hasupha, Tabbaoth,
Keros, Sia, Padon,
Lebana, Hagaba, Shalmai,
Hanan, Giddel, Gahar,
Reaiah, Rezin, Nekoda,
Gazzam, Uzza, Paseah,
Besai, Meunim, Nephushesim,
Bakbuk, Hakupha, Harhur,
Bazlith, Mehida, Harsha,
Barkos, Sisera, Temah,
Neziah, mo Hatipha.
57-59 Aanei nia madahaanau o digau ngalua Solomon ala ne lloomoi i muli nadau noho galabudi i tuai henua:
Sotai, Sophereth, Perida,
Jaalah, Darkon, Giddel,
Shephatiah, Hattil, Pochereth-Hazzebaim, mo Amon.
60 Togologo o di madawaawa o digau ngalua di Hale Daumaha mo digau ngalua Solomon ala ne lloomoi i muli nadau noho i tuai henua la digau dogo 392.
61-62 Nia daangada e 642 e dau gi nia madahaanau o Delaiah, Tobiah, mo Nekoda ala ne lloomoi i nia waahale Tel-Melah, Tel-Harsha, Cherub, Addon mo Immer. Malaa, digaula gu deemee di haga modongoohia be digaula e dau gi di madawaawa digau Israel.
63-64 Aanei nia madawaawa gau hai mee dabu ala digi gidee di beebaa bolo e haga modongoohia nadau maadua mmaadua: Hobaiah, Hakkoz, mo Barzillai. (Tamana madua o di madawaawa digau hai mee dabu, go Barzillai, guu hai dono lodo gi tama ahina di madawaawa Barzillai i Gilead, ga hai mee gi di ingoo di madawaawa o tamana dono lodo.) Digau aanei gu deemee di gidee di haga modongoohia be goai nadau maadua mmaadua, digaula gu deemee di hai nia daangada hai mee dabu.
65 Di gobinaa o digau o Jew ga hagi anga gi digaula bolo digaula e deemee di miami nia meegai ala guu wanga dehuia gi God, gaa dae loo gi di madagoaa ma ga iai tangada hai mee dabu dela e mee di hai hegau gi nia ‘Urim’ mo ‘Thummim’.
66-69 Togologo digau ala ne lahi gi daha gaa lawa ga lloomoi le e 42,360.
Nadau gau hai hegau, nia daane mono ahina — 7,337
Digau daahili, nia daane mono ahina — 245
Nia hoodo — 736
Nia hoodo ‘donkey’ — 245
Nia ‘camel’ — 435
Nia ‘donkey’ — 6,720
70-72 Aanei la digau ala ne taiaga nadau hagamaamaa nogo hui nia mee hau di Hale Daumaha:
| Di Gobinaa |
| 19 pauna goolo |
| 50 boolo ngalua taumaha |
| 530 gahu lloo digau hai mee dabu |
| Nia dagi o nia madawaawa |
| 375 pauna goolo |
| 2,625 pauna silber |
| Digau ala i golo |
| 375 pauna goolo |
| 2,310 pauna silber |
| 67 gahu lloo ang gi digau hai mee dabu |
73 Digau hai mee dabu, digau Levi, digau hagaloohi di Hale Daumaha, digau daahili, togologo digau ala i golo, digau ngalua di Hale Daumaha, mo digau Israel ala i golo, la guu noho i nia dama waahale, mo nia waahale llauehe o Judah.