121
Namondeda Gagara Ari Kato Bajari Numori.
1 Na doriri fuge gosuse, god a sukaru mendeni tumonde bainghari dae sise,
ove aminda keve dadorusera aikena, dombu fainghedo banungarena, ai tefo?
Avata na jo amingae arena! Ainda susu mo: nanda sonemba jo aminda ghe furae eraira.
Avata nanda sonemba reda ghe foa gherai?
2 Nanda sonemba mo, Bajari utu a enda etiri sirorusira, numokena ghedo foa gheraira.
3 Nu ni jo doyari gofae aresa.
Nimo tavo ari kato mo, nu diti fangedo, sifo evia inono ni kaifa use irá gheraira.
4 Amo, Israel embo da tavo ari kato mo,
nu jo diti bainghae eraira, a kotugo, nu jo avae eraira.
5 Bajari nune, ni bu kaifa use tavo e gogoghomberaira.
Nu ninda dengesida fetirise, ninda gitofu da fakina ava gagojuse ni kaifa eraira.
6 Sifo ateraira ainda jokáda, iji aimi dara o mema eni jo bu furae arira.
A kotugo, tumba jiraira ainda jokáda, inua aimi barago dara a mema eni jo bu furae arira.
7 Ainda beká mo: dara rea furarira ava,
isasambu Bajari nune koseguse kaifa e gogoghombururari, ni eveva irá gharesa.
8 Nune ni kaifa tavo e gogoghombururari,
ni oroko a sifo ghousa evia, eveva ya foa ghuse irá gharesa.