123
Bajari Nange Joka Aetira, Ainda Banungariri.
1 Arie Bajari, ni utu ominda irise utu enda kaifa eraesa aindae,
nanda dombu nimokena faingherena.
2 Arie Bajari, namaneda God, kau sabua kakato gegenembo o evevetu bayau a sonemba nenda
babojegarikena buraera aminga ava, namaneda dombu nimokena
fifituse iroro, namanendae joka edo sonembaetesi!
3 Arie Bajari, namanedae joka e! Namanendae joka beká aso dae resena.
Ai resira, evetu genembo namane ighagha use, sino fukadae ari geraera.
4 Iti fafo gugua ghayafade aimi namane ava teria futo ighagha use,
jo evetu genembo irae sise, sero, namane irari barago erera.
Ainghae dabade, meka irae ivuga tefo tefo ari kakatoimi namane ava kateyavara beká use irera.