13
Sonemba Bari Da Banungariri.
1 Arie Bajari, ni ghousa kau mavega ava na kotae aresi?
Ai, kotae beká usesi.
Ghousa mavega ava na nimo geono dae sise jungeraesi?
2 Atá ghousa mavega ava mema bouvu ghae irareni?
Sifo tumba evia inono nanda ghamo joká memaimi bedo edo, irá gheraira amo, mavegori?
Nanda gitofui na de atai fafotusera ava, na ghousa mavega irareni?
3 Arie Bajari, nanda God, namoá fuge gido, nanda benunu ningido, mino saetesi!
Nanda fakina sekago mutaso baeteni, erá doyeoso na ambeone!
4 Erá doyeoso, nanda gitofuimi, “Namane nu de atai fateri!” seore!
Kotugo, doyeoso, nandae, “Makoede, durira!” seore!
5 O ni nandae veka eveva use, na dubo buraesa, aminda gaiga gayeraena.
Na saso jebugarena aindae, na riria arena.
6 Arie Bajari, na nindae yaru divarena da beká mo,
namokena veka eveva eraesa.