132
Tafaroro Kamboda Duró Aindae Sakai Saore!
1 Arie Bajari, David, kotugo nunda mema ambarako beká itatama edo ghusira ava, erá kotae eose!
2 Bajari, God fakina kato Jacob tumonde bainghedo ghusira, nimokena resena:
David rea ari beka gagojusira ava kotaso dae resena.
3 “Na jo nanda natida ya nanda avari vasada fase avae arena.
4 Na itatako jo jangutae a jo avae irise,
5 Bajari God fakina kato Jacob tumonde bainghedo ghusira,
ainda kambo itarena.”
6 Namane Bethlehem irise, Agho Dari nunda mauvaghae da binó ningido era,
vare jokáda reighi Jearim dengesi aminda torughuseri.
7 Namane siseri, “Avata oroko mo tafaroro kambo jokáda irira.
Fuvu, Bajari da irari vasada yaore! Ya, nunda anunbedo irari vasada teredo numoa tumonde bainghaore!”
8 Arie Bajari, ere, ninda fakinada tano, ninda Agho Dari da mauvadae resera ainghae,
fu, ninda kamboda tere evovodae iraso dae resera.
9 Sonembe, ninda fristi mane ari eveva vanembo aore! Sonembe, ninda natofo fumbu aruguse irore!
10 Bajari, ninda saramana kato David kena kotua gatisesa ava kotise, ninda kini gategeteso oroko irira ava,
erá ighagha eose!
11 Ai resira amo, Bajari, ni David kena kotua gatisesa, jo doyae aresa.
Ni kotua eminge gatisesi, “Nane aono, ninda mandi enimi ninda vasa budo, kini arira.
12 A kotugo, ninda sasingu vide jamena nanda beka gajari a nanda agho dari futusena ava,
amboda amboda arera amo, nenda sasingu nébarago evovodae numamoda vasa budo,
kini udo yarera.”
13 Bajari, nu reighi Saion ava gategedo, eminda irari dae sisira.
14 Nu sisira, “Nanda uju, na vasa eminda irise, nanda natofo kaifa udo yarena.”
15 Reighi Saion embo reju baetera, ava nane esimbuguse, reighi ainda makasi emboda uvu bayau nane mutarena.
16 Nane esimbugururono reighi ainda fristi maneda aito eveva fugutudo yarera.
Nane aono reighi ainda natofo tumondari embo dubo jama use ivugai divu fusedo gharera.
17 Nane aono, David da imendi eni siroredo Kini fakinago edo fetarira.
Kini resena ava, gategedo sonembururono reighié kaifa udo yarira.
18 Nane aono, nunda gitofu meka gosuse mekai jarutarera.
Avata nane sonembururono, nunda reighi nunda natofo isambu nune kaifa ururari, riria use irarera.