20
Gitofu Sosighi E Bari Da Benunuri.
1 Namanenda kini (king), ni sifo reda dara jokada fetaresa, Bajari ni sonembare!
Namanenda abua Jacob da God tumondedo ghusira aimi, nimoa gitofukena
kosege fetare!
2 Nunda Tafaroro Ari Kambo kakara aminda ghe sonemba nimokena mutare!
Nunda sonemba ututu Saion aminda ghe mutari fuse, ni sonembare!
3 Nu, ninda fuyo erefutesa isambu eindae dubo eveva are!
Kotugo, ninda sino fuka de ojedo joba dunguteresa isambu eindae, dubo jama use ivuga are!
4 Ninda janje jokáda rea uju eraesa,
edo rea ari dae koteraesa ava, isambu futururari beká sirorare!
5 Nine gitofu dedo atai fati fetaresa aindae, namane ivugaimi fumbu aruguse,
divu fusedo ghuse, namondeda God dae sakai saore!
Ni rejudae benunu saresa, ainda mino mutare!
6 Oroko ava na kasama erena, Bajari nunda kini gategusira ava sonemburureari gitofu de atai fati feteraira.
God nunda irari vasa kakara utuda irise ningido, nunda fakina tomanako ava futurureari, nunda kiniimi gitofu de atai fati feteraira.
7 Evetu genembo mendeni mo, isoro sifoda nenda tumondari nenda founa ghasemo javo sariot (chariot),
a nenda sino fuka javo hosi aminda fifituse irera.
O namonde mo, gitofo dari da fakina bari dae sise,
Bajari namondeda God ava tumonduse irera.
8 Mave tumondari nenda ghasemo sariot seraera,
o nenda sino fuka hosi seraera aikena fitiraera, ne dudo gogofegarera.
O namonde mo, ere fetedo, fakina e fetarera.
9 Arie Bajari, namanenda kini sonembaso, gitofu de atai fetare dae resera.
Namane sifo reda nimokena banungarera, ningi!