24
Kini Durode A Tomanako Beká Mo, Bajari Numori.
1 Reju endada irira isambu Bajari da tofori. Endada mave irira
nébarago isasambu nunda fitariri.
2 Enda mo, kafuru irira ainda etoda simbugetiri aminda ghedo vivitusira. Enda da susu nune eva jokáda dadurusira.
3 Bajari da doriri ominda mave vitiyari da kaugori? Nunda banungari kambo kakara ominda mave ya terari?
4 Mave nu aito fugarikena a kotarikena kosasa jo ae eraera. Mave beka gajari jo tefo tefo ae eraera.
A mave god beká irae jo tumonde bainghae eraera aimi ya terarera.
5 Bajari ne esimbuguse nemokena nunda jebuga mutarira. God kotua gatise, nendae “eveva” sarira.
6 Evetu genembo God kena foa gheraera, Jacob da God tava edo nunda dombuda feteraera nendae resena.
7 Guro tomanakoó fugevu ya afige fetare, guro anakora itero irira amo,
dovu afige fetari, Kini (king) teria durode foa terare!
8 Kini teria durode resera emo, mavejori? Bajari fakinago a Iká Bekáda numori.
Isoro tataya jokáda gitofu de atai fati feteraira, amo numori.
9 Guro tomanakoó fugevu ya afige fetare, guro anakora itero irira amo, dovu afige fetari, Bajari teria durode foa terare!
10 Kini teria durode resera emo mavejuri? Bajari isoro kakato da giti jighari, Kini teria durode amo, numori.