8
1 Arie, Bajari namanenda Bajari
Ninda javo teria ainda bino ava ivegedo iri, reighi isambu niningerera.
Nindae sakai seraera amo, viti ya utuda buvuraira.
2 Sasingako a ami mindari aimi, nindae sakai sise yaru divuraera.
Ninda gitofu isambu, jo eniimi inono edo, ni dae arera.
Evetu genembo mave nimokena osogo eraera, avata ninda fakinaimi buregeraesa.
3 Utu nine usesa ava,
a inua a damana nine nunda vasada fifitusesa ava,
na fuge gido,
4 yove seraena!
Ata, genembo mo, rejori?
Nu jo rejo eni iraeri, ava sedo, ni redae nu koteraesi?
Nu taká tefo genembo ava sedo, nu redae bu tavo tatau eraesi?
5 Avata ni eteso genembo sirorusira amo, ninda duruda, bajari edo irira.
Numokena usasa, duró, a bino ava, nine kavevera edo futusesi.
6 Ni nu gategedo seteso, nu roera isambu nine eteso sirorusira,
ainda bajari ava, nune edo irira.
7 Roera resena emo, sifi burumakava
a sino fuka taima jokáda irá gheraera,
8 rika ikáda ghumburaera, oka, a eva da roera isasambu,
ainda bajari, nune edo irira.
9 Arie, Bajari, namanenda Bajari.
Ninda javo teria ainda bino ava ivegedo iri, reighi isambu niningerera.