49
Kamaina bi Deikap natunatuna ḡesaudi i giuwedi a tava lisinemo.
Deikap Diuda i kavisuvisu
8 Bi i giuwedina gado, “Diuda tam kaka tinatinanatum sa kasaḡesaḡem. Tam kaka yaḡolo em ḡaviya kwa vai waiubedi bi sa kita saḡesaḡem. Bi tinatinanatum ḡesaudi kaka kaḡe pakammo sa laudune.
9 Diuda, tam ba yaḡolo kwa ḡailisi gulata bi kwai nuwa nainaila maibena laiyon, ena anikenamo ya kenakena ba aiyai mote imai sinasina.
10 Bi ḡalibona ena diḡona waibada matailina mote kaka Diuda ima gose. Bi em tubulelesa yaḡolo sai bada nonoḡa. Bi dobu ḡesaudi lavedi sa nato bi Vinevinena kaḡe pakanemo sa laudune.”
33 Laḡannemo Deikap natunatuna i giuwailovelovedi bi i guliyovo ena gabumo bi peki.
Deikap Idipmo i miya kwalabu 17 a kovi. Bi tana dobumo i miyana kwalabu wapana 147 a kovi.