36
Su Yayan Iso
1 Iy kurti su yayan Iso. Iso rangan handrai yi ti Idom.
2 Iso iyesuwon horu pedih Kenan ndre rumuu. Mbrulun homou ti Adah, taman ti Elon, iy odo Hit. Mbrulun homou yi ti Oholibamah, taman ti Anah pe papon Sibeon, lapan Hivi.
3 Pe mbrulun homou yi ti Basemat, taman ti Ismael pe timso-on ti Nebaiot.
4 Adah iduwe Elifas, pe Besemat iduwe Ruel,
5 pe Oholibamah iduwe Jeus, Jalam pe Korah. Su kom nedun Iso kurti heduwe su odo ndre Kenan.
6 Inum ti Iso iyeu odo koson Yakop pe ile lok sehir yi. Tadan sane ndre sulo-on ti iy idekukohon iyus iy. Iy idekukohon mbrulun su, nedun su kamal pe pedih, su lewen ndre sulo-on, tadan sane ka-an, pe tadan sane ndre sulo-on odo lon omwen odo Kenan.
7 Iy iyeu ti odosa iy horu Yakop ndre rumuu ti ta horu sane ka-an ti ile teper, pe lok horu hermin eriy ti lehyen, indranon sane ka-an ta horu ti pwi.
8 Ile pe Iso iyeu ile lok puliy odo Seir pe ilmin eriy.
9 Iso ti tinembro' su Idom. Su hosso lok puliy odo Seir. Ranga’ su nedun Iso ti kutih.
10-13 Adah, mbrulun Iso munen eri nedun ke homou kamal, rangan Elifas, pe Elifas eri nedun su ndre limuu kamal. Ranga'su ti: Teman, Omar, Sefo, Gatam pe Kenas. Iy iduwe kom ile tam pedih homou yi rangan Timna, pe iyuwen rangan ile Amalek.
Basemat, mbrulun Iso omur eri nedun ke homou kamal yi, rangan Ruel. Pe Ruel eri nedun su ndre hamou: Nahat, Serah, Samah pe Misah.
14 Oholibamah mbrulun Iso ndrokoron, eri taman ti Anah pe papon eri Sibeon. Oholibamah eri nedun su kamal ndre tulmuu: Jeus, Jalam pe Korah.
15 Iy kuti um kamal sim pe sim ndre hehir odo tan Iso tih:
Elifas ti kom ndrihou tan Iso, pe nedun su ti Teman, Omar, Sefo, Kenas,
16 Korah, Gatam, pe Amalek. Su kurti hehir odo tam mbrulun Iso rangan Adah.
17 Ruel nedun Iso homou yi tam Basemat, eri iduwe kom ndre hamou: Nahat, Serah, Samah, pe Misah. Su um kurti hehir odo tam mbrulun Iso rangan Basemat.
18 Su um hapwing yi hehir odo tam mbrulun Iso rangan Oholibamah, taman eri Anak. Su erti Jeus, Jalam, pe Korah.
19 Su nedun Iso kuti hehir hala lin ndramat hokou pe hokou odo Idom.
Su Yayan Seir
20-21 Seir ti lapan Hor, pe iy ti imandro imnen ile Idom.
Su nedun Seir kamal ti Lotan, Sobal, Sibeon, Anah, Dison, Eser pe Disan. Su kamal ndre ndrotulmuu kuti lin ndramat hokou pe hokou odo Hor ndre hodo Idom tih.
22 Lotan eri tinembro’ su Hori pe Heman. Lotan ti timso-on homou rangan Timna.
23 Sobal eri tinembro’ su Alvan, Manahat, Ebal, Sefo, pe Onam.
24 Sibeon eri nedun kamal rumuu, Aia pe Anah. Ndramat rangan Anah kuti ndre ile kelye-en donki tan taman uu pe itureh wo mburten ise lok sehir, on pe pat kopwi iyin eriy tih.
25 Anah eri nedun ti Dison horu Oholibamah. Oholibamah ti iy pihin.
26 Su nedun Dison kamal eri Hemdan, Esban, Itran pe Keran.
27 Eser eri lin ndramat ta su Bilhan, Savan pe Akan.
28 Nedun Disan eri tinembro’ su Us pe Aran.
29-30 Su nedun Seir kamal ndre ndrotulmuu ti tinembro' su Hor ndre hodo lok Idom. Ranga' su kamal ndre ndrotulmuu kuti Lotan, Sobal, Sibeon, Anah, Dison, Eser, pe Disan.
Su King Odo Idom
31 Su Israel ta su king mapwi, eri pe su Idom eri kah ta su king.
32 Ndramat ile king ndre mamunen ta su Idom eri Bela. Taman eri Beor, pe iy immin taon Dinhabah.
33 Bela imet pe Jobab isini ndruhun. Jobab ti taman Serah, odo taon Bosrah.
34 Jobab imet pe Husam odo lok Teman isini ndruhun.
35 Husam imet pe Hadad isini ndruhun. Hadad ti taman Bedad. Hadad iyin munen su lewen pahun ile Moap pe hohkohon su Midian pe hesini lok. Iy immin taon Avit.
36 Hadad imet pe Samlah odo lok Masrekah isini ndruhun.
37 Samlah imet pe Saul isini ndruhun. Iy lonen Rehobot ise ngerin wo Yufretis.
38 Saul imet pe Balhanan nedun Akbor ti isini ndruhun.
39 Balhanan imet pe Hadad isini ndruhun. Iy immin taon Pau pe rangan mbrulun ti Mehetabel. Mbrulun ti taman Matret pe papon Mesahap.
40-43 Iso ti lin ndramat ta su lok mandra-ane kutih:
Timna, Alvah, Jetet, Oholibamah, Elah, Pinon, Kenas, Teman, Mipsar, Makdiel, pe Iram. Lok kuti hoso Idom. Idom ti rangan Iso handrai yi tih. Pe su Idom ti yayan Iso. Su hokou pe hokou ti ndre lone'su ea pe ndre lin ndramta'su ea, odoke su ndre sulo-on ti yayan ke Iso.