117
Ala kava neꞌmo agiꞌaleꞌmo alitapa asaga hiyo, huno huꞌniya gemae
1 O alu nofi vayaꞌmogitapae, huꞌna, Ala kava neꞌmo agiꞌaleꞌmo alitapa asaga hiyo. Muki alu nofi vayaꞌmogiꞌe alu nofi vayaꞌmogiꞌeꞌmo agiꞌaleꞌmo aliꞌa asaga hiyo.
2 Na kava huꞌnigetaene. Agaemo lusi kava huno hau huno lateteno alino ao yaꞌmo hu maleꞌniye. Ala kava neꞌmoꞌa lapa maegauve, huno laha paiꞌniya gemo lama geꞌamoꞌmo muki afinaꞌaeꞌmo hanege hanege huno afaꞌa hanegaiye.
Ala kava neꞌmo agiꞌaleꞌmo alitapa asaga hiyo.