123
Mono notegamo ugefe nehaiya vayaꞌmo kateꞌmo nehaiꞌapaeꞌmo nehaya yokemae
1 Kokuꞌnapi maiꞌnana Ala vekamogae, huꞌna, Nagaemo aliꞌna maku huꞌna nekagove.
2 Afiyo, huꞌna, Aliꞌyaꞌamo neꞌaliya vayaꞌmogimo aliꞌya aepa vekamo ayateꞌmo agege aliꞌyaꞌamo neꞌaliya aꞌmafaꞌnemogimo aliꞌya aepa a kanomo ayateꞌmo agege huꞌa maiꞌnaya kava huta Ala kava neꞌmo Gotitimofekeꞌmo ageme ageme neꞌvisunagenoꞌaeꞌmo hau huno lategaiye.
3 Vayaꞌmogimo muki afinaꞌmo lusi kava huꞌa huꞌa faipa huꞌa nelatae. Kahau huka lato, O Ala kava nene, huꞌna, kahau huka lato.
4 Muki afinaꞌmo alagepa huꞌa maiꞌnaya vayaꞌmogimo lagaefeꞌmo, ina agufa vayaꞌmo maiꞌnae, huꞌa hapa nepaiye. Ala vayaꞌmo maiꞌnone, huꞌa nehaya vayaꞌmogimo lusi kava huꞌa huꞌa faipa huꞌa nelatae