136
Úngó sĩ Ãwãꞌdĩfô fẽjó rĩ
1 Ĩfẽ ãwãꞌdĩfô Úpí ní, ãꞌdusĩku ĩꞌdi múké,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
2 Ĩfẽ ãwãꞌdĩfô Ãdróŋá ãmbógó ru ãdroŋa kí drị̃lẹ́ gá rĩ ní,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
3 Ĩfẽ ãwãꞌdĩfô Úpí ãmbógó ru ũpi kí drị̃lẹ́ gá rĩ ní,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
4 Ĩfẽ ãwãꞌdĩfô ĩꞌdiní, ĩꞌdi lú tálí ũkpó rĩ kí idé rá la nĩ,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
5 Ĩfẽ ãwãꞌdĩfô ꞌbá ꞌbụ̃ kí ũꞌbãlépi ũndũwã ãmbógó sĩ rĩ nî,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
6 Ĩfẽ ãwãꞌdĩfô ꞌbá vũ ꞌbãlépi ị̃yị́ kị́rị́ rĩ ꞌbã drị̃ gá rĩ nî,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
7 Ĩfẽ ãwãꞌdĩfô ꞌbá ị̃tụ́ kí ũꞌbãlépi ĩmbá be rĩ nî,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
8 ꞌBã ị̃tụ̂ ꞌi ãngũ jilé ị̃tụ́ sĩ,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
9 ꞌBã ĩmbâ ꞌi lẽlẽgó kí abe ãngũ jilé ị́nị́ sĩ,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
10 Ĩfẽ ãwãꞌdĩfô Ãdróŋá ní ĩꞌdi ꞌbã ꞌbá kãjãní ãzíla ãnãkpá tịlé drị̃-drị̃ Mị̃sị́rị̃ drị̂ kí ụꞌdị́jó rĩ sĩ,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
11 Anzé ꞌbá Ịsịrayị́lị̃ drị̂ kí angájó Mị̃sị́rị̃ gá rĩ sĩ,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
12 Anzé kí drị́ ũkpó ĩꞌdidrị̂ sĩ ãzíla drị́ ĩꞌdi ꞌbã ajalé rĩ sĩ;
lẽtáŋá ĩꞌdidrị́ ãmbógó rĩ ĩꞌdi jãꞌdâ.
13 Ĩfẽ ãwãꞌdĩfô ꞌbá Mĩrĩ Ika rĩ awalépi ị̃rị̃ rĩ nî,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
14 Ce ꞌbá Ịsịrayị́lị̃ drị̂ kí drị̃ ị̃yị́ ru awalépi rĩ agâ sĩ,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
15 Ịmvụ́ úpí Mị̃sị́rị̃ drị̂ kí ãsĩkárĩ ĩꞌdidrị̂ kí abe Mĩrĩ Ika rĩ agá rá;
lẽtáŋá ĩꞌdidrị́ ãmbógó rĩ ĩꞌdi jãꞌdâ.
16 Ĩfẽ ãwãꞌdĩfô ꞌbá ꞌbá ĩꞌdidrị̂ kí drị̃ celépi kõtórõ agâ sĩ rĩ nî,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
17 Ĩfẽ ãwãꞌdĩfô ꞌbá ũpi ũkpó-ũkpó ri kí ụꞌdị́lépi rĩ nî,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
18 Ụꞌdị́ ũpi rụ́ kụlépi ambamba rĩ kí rá,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
19 ꞌDị úpí Ãmọ́rị̃ ꞌbadrị́ Sị̃họ́nị̃ ꞌi rá,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
20 ꞌDị úpí Bãsánĩ ꞌbadrị́ Ụ́gị̃ rá,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
21 Fẽ ãngũ ĩꞌbadrị̂ ꞌbá ĩꞌdidrị̂ ꞌbaní ãwítã rú,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
22 Fẽ ãngũ ꞌdã ãwítã rú ãtíꞌbó ĩꞌdidrị́ Ịsịrayị́lị̃ nî,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
23 Ãvĩ ị́jọ́ ãma drị̃ gá sáwã ándrá ãma ndẽjó rá rĩ sĩ ku,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
24 Apá ãma mẹ́rọ́ꞌbá ãmadrị̂ kí drị́gá rá,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
25 Ĩꞌdi ꞌbá ãkónã fẽlépi ãko pírí ídri trũ rĩ ꞌbaní nĩ rĩ ꞌi,
lẽtáŋá ĩꞌdidrị́ ãmbógó rĩ ĩꞌdi jãꞌdâ.
26 Ĩfẽ ãwãꞌdĩfô Ãdróŋá ꞌbụ̃ gá rĩ nî,
lẽtáŋá ĩꞌdidrị́ ãmbógó rĩ ĩꞌdi jãꞌdâ.