1 Keriso ese vada e ruhada nege, ura-kwalimu tauda ai baitala: ba gini tutuka-tutuka, bae ḡuimui lou na garina. 2 Ba Ialoa: lau Paulo ese na hamaoromuimu, na tomu, peritome boma abia, ahumui bema lasi Keriso enai. 3 Momokani, na hamaoromui loumu, na tomu, peritome bae abia taudia ese taravatu karadia iboudiai bae badina. 4 Taravatu ibadinana dainai maoromui bae gwaurai o tomu taumui na asi ahumui Keriso enai; Dirava ena harihari-bada vada o morutania. 5 A ai ese kara maoromaoro helarona a nariamu, Lauma ikamonai-henina dainai. 6 Badina be Iesu Keriso enai peritome bona asi peritome ruaosi na asi anidia, a abidadama mo, uraheni ai e ḡaukaramu.

7 Umui na gunaguna o heau namonamova. Daika ese e laomui ahu, bena hereva momokani asio badinaia a? 8 Lalo-ani herevadia na dia e boirimui tauna ena amo se vasi. 9 Hatubu muramurana sina taina ese taba idoinai e hatubuamu. 10 Lau na Lohiabada ladana ai na abidadama henimuimu, lalomui basio hadai idau; a e haraivamuimu tauna ese gwauna do baine huaia.

11 Varavaragu e, peritome doini bama harorolaia, doini e daḡedaḡe henigumu badina be dahaka? Unu bema heto, satauro ena hekwakwanai bema lasi. 12 Lau na uramu e haraivamuimu taudia na sibodia bema heutu oho.

13 Varavaragu e, vada e boirimui, ura-kwalimu taudia ai baola. Ḡau tamona, emui ura-kwalimu na tau-aninlui ihamoaledia ḡauna ai basio halaoa; a lalokau dainai ta ta isiaimui ba helao heheni. 14 Badina be taravatu idoinai na hereva tamona ai e haboua. Herevana binai: Dekemu tauna ba lalokau henia, sibomu o helalokaumu heḡereḡerena. 15 A ba hekori heheni bona ba heani heheni nahuamui ba loho, sibomui ba haheore na garina.

16 A lau na tomamu, Lauma ena dala ai ba raka, bena tau-anina ena ura basio karaia. 17 Tau-anina ese laumal baine laoa ahu e tomamu, bonalauma ese tau-anina baine laoa ahu e tomamu; badina be ruaosi e heinai hehenimu. Una dainai emui ura karadia asio karamu. 18 A lauma ese baine hakaumui negana ai, umui na dia taravatu henunai.

19 Tau-anina ena kara na hehedinararai. Gaudia bini: heuda-hanai, kara mirodia, mata-bodaga, 20 kaivakuku itomadiho-henidia, babalau, heai, heatu, mama, badu, gogosi, heiri-heiri, hahediba koikoi herevadia, 21 heḡahusi, kekero, lebulebu; bona kara unuhetomadia iboudiai. Na hamaoromuiva, bona harihari ma na hamaoromui loumu, unu e kara tomamu taudia ese Dirava ena basileia basie abia. 22 A Lauma huahuana binai: lalokau, moale, maino, haheauka, hebogahisi, kara maoromaoro, hereva ibadinana, 23 manau boga-auka; kara unuhetomadia na asi taravatudia. 24 Keriso Iesu ena orea taudia ese tau-anidia, mai edia hekise-hekise bona edia ura dikadia ida, vada e hasataurodia. 25 Lauma dainai ta maurimu; taunabunai, Lauma dainai baita raka. 26 Basita hekokoroku; basita heai heheni; basita heḡahusi heheni.