7
Keriso ese taravatu amo e ruhada nege
1 Varavaragu e, taravatu mai dibamui taumui, na tore henimuimu. Asi dibamui taravatu ese taunimanima e lohiadiamu edia mauri dunadia iboudiai a?
2 Taravatu dainai hahine ta adavana enai baine tao ena mauri dinadia idoidiai; a adavana baine mase, ia na asi taravatuna.
3 Taunabunai, adavana maurina ai tau ta ma bema abia, ia na heuda-hanai hahinena; a adavana baine mase, ia na asi taravatuna, tau ta ma baine adavaia, una na dia heuda-hanai.
4 Unuhetomana, varavaragu e, umui danu Keriso tau-anina bagunai taravatu enai vada o mase; bena mase amo e tore isi tauna ese baine abimui, huahuada Dirava enai bae dobi helaoreana.
5 Badina be ita ese tau-anina ta badinaiava negana ai, kara dika ena laloani taravatu ena amo e varava bona tauda reḡedia lalodiai e vareaiva, bena huahuada mase enai e dobiva.
6 A harihari taravatu ese vada e kahuda nege, e dogoda taova ḡauna enai vada ta mase na heto; taunabunai harihari eda hesiai ilao-henina na lauma dainai, dia nega gunadia ai e tore herevadia daidiai.
Taravatu ena namo be dahaka?
7 Bena dahaka baitato? Taravatu na dika a? Lasi vaitani. Taravatu basinema hadibagu, lalogu basinema parara kara dika be dahaka. Bona taravatu basinema haduagu “Basio hekise-hekise”, lalogu na basinema parara hekise-hekise be dahaka.
8 A taravatu ena hahedua dainai dika ese hekisehekise idau-idau lalogu ai e havara; badina be taravatu bema lasi, dika bema mase.
9 Gunaguna lau na taravatu murimurinai na mauriva; a haheḡani egu ai e kau, bena kara dika e vara lou, a lau na na mase.
10 Taravatu na mauri ḡauna e tomamu, a lauegu ai ia na mase ḡauna ai ela;
11 badina be dika ese haheḡani amo e koigu bona e alagu mase.
12 Taunabunai, taravatu na helaḡa, haheḡani danu helaḡa bona maoromaoro bona namo.
13 Matogana, ḡau namona na mase ḡauna ai egu ai e laomu a? Lasi vaitani. A kara dika ena dika baine hedinarai totona, ḡau namona na mase ḡauna ai egu ai e halaoa; bena haheḡani ena amo kara dika toana baine hedinarai, ia na dika vaitani.
14 Dibada taravatu be lauma ena; a lau be tau-anina ena, kara dika ese vada e hoigu, ena hesiai ai vada e halaogu.
15 Lau na karamu karadia na asi dibagu: badina be na ura henimu karadia na asina karamu, bona na inai henimu karadia na karamu.
16 A asina ura heniamu karana na karaiamu negana ai, lau ese taravatu na maorona na gwauraiamu.
17 Ḡau tamopna, kiarana na dia lau, a dika lalogu ai e nohomu hari.
18 Lau dibagu lau na asi egu namo tau-anigu ai, badina be lalogu ese kara namo e ura henimu, to ikarana asina heḡereḡere.
19 Na ura heniamu karana namona na asina karaiamu, a asina ura heniamu karana dikana be na karaiamu.
20 Taunabunai, asina ura heniamu karana na karaiamu, to ikarana na dia lau, a dika lalogu ai e nohomu hari.
21 Taunabunai, taravatu ta vada na lalo davari: kara namo baina karaia na tomu, to dika na egu ai e miamu.
22 Badina be lalogu ese Dirava ena taravatu e moalelaiamu;
23 a tau-anigu ai taravatu idauna na itaiamu, ia be lalogu ena taravatu e tuari heniamu, bena e ḡuigumu, kara dika taravatuna ena, tau-anigu ai e nohomu ḡauna bunai.
24 Lau madi, ihabaigu! Daika ese ina tau-anigu masena amo baine hamaurigu?
25 Dirava na imodaiamu, Iesu Keriso bagunai. Benaini, lalogu ese Dirava ena taravatu e badinaiamu; a tau-anigu ese kara dika taravatuna e badinaiamu.