22
ቦስ ጼስ ኣዝሶ
(ሉቃ. 14:15-24)
1 የሱሳ Ꮊተካ አሳይስ Ꮊይ ጋርክ ዬጊ ኣዝሶ ኦዴዛ።
2 «ሳሎ ካተትꬃይ ፋ ናአይስ ቦስ ማኬዝ ካታ ኣዝዛ።
3 የ ካታይ ቦስ የኦዳይ ጋርክ ኦዴዝ አሳ ጼጎዳይስ ፋ አይልታ ኪቴዛ። ዝን አሳይ የኦዳይስ ኮየካያ።
4 ማ ሀራ አይልታ ጼጊ፥ ጼግንቴዝ አስታይኮ Ꮊንጊ፥ ‹ታኒ ታ ሳንግታኔ ሞꬌዝ መህታ ሹኬዛ፤ ኡባ ባዝ ጊጌዛ። ታ ቦሳይኮ የኦይታ ዬጎይታ› ዬጊ ኪቴዛ።
5 ዝን ጼግንቴዝታይ ጼሳ እጺ፥ ፋ Ꮊንታስ Ꮊንታስ ቅቴዛ። ፐታይ ፋ ዎታስ፥ Ꮊንካይ ፋ ዛልኤስ ቅቴዛ።
6 Ꮊንክታይ ማ ካታይ አይልታ አይኪ፥ ካዉሽሽ Ꮊꬊ ዎꬌዛ።
7 «ካታይ ኢታ ሸንቲ፥ ፋ ዎታዳርታ ዳኪ ሸምፖ ዎꬍዝታ ዎꬍሴዛ፥ ኡ ካታምቶካ ጹጌዛ።
8 የይፕ ጉየ፥ ፋ አይልታይኮ፥ ‹ቦሳይ ጊጌዛ፥ ዝን ጼግንቴዝታይ ቦሳይስ ቤዝዛ አስታ ባያ።
9 የይ ግሾስ፥ ዳሞ ጎሳ አይኪ Ꮊንጊ፥ ደንጌዝ አስ ኡብታ ቦሳ የኦድ ጋርክ ጼጎይታ› ዬጌዛ።
10 አይልታይ ኦገል ከዚ ፋ ደንጌዝ አስ ኡባ ሎእታኔ ኢትታ ክኢ ቦሳ ሻቃራ ገልሲ ኩንꬄዛ።
11 «ዝን ካታይ ሙንታ ማዳይስ በቴዝ አሳ በአዳይስ ገሎዳር ቦስ አፍላ ማኤካ ፐቲ አስ ደንጌዛ።
12 ኤዝኮ፥ ‹ናት ነ ቦስ አፍላ ማኤካዛር ዋይዚ Ꮊይዳ ገሌኔ?› ዬጌዛ። ዝን አꬃይ ስኤ አቴዛ።
13 «ካታይ ፋ አይልታይኮ፥ ‹Ꮊ አꬃይስ ኩሻኔ ቶካ አጪ፥ ባለ ꬉማ ከሲ ኦሎይታ። ኤዛይድ ኤዝስ ዬፎኔ አች ጮንቺ ማቃዳ› ዬጌዛ።
14 «የይ ጋርክ፥ ጾስ ካተትꬃይስ ጼግንቴዝታይ ጋመ ዝን ዶርንቴዝታይ ጽቃ» ዬጌዛ።
ጊራ ጋቾ ባጋ
(ማር. 12:13-17፤ ሉቃ. 20:20-26)
15 የይፕ ጉየ፥ ፈርሳውታይ Ꮊንጊ፥ የሱሳ ዋይዚ ኦዳር አይኮዳዛኮ ቶቤዛ።
16 ፋ ታማርታኔ ሄሮዶሳ ባግታይፕ ፐታ ፐታ ኪቴዛ። ኡንትካ፥ «አስታማራዮ፥ ነ ቱሮ ኦድዛና ኑ ኤርዛ። ኔኒ አሳፕ አስ ሻኪ ኤሮያ፥ አሲ ዋጎዴ ግ አብካ ኦꬂ ኤሮያ፥ ጾስ ኦገ ቱሮራ ታማርስዛ።
17 አን ኑስ ኦዶባ፥ ኑኒ ኦሮመ ካታይስ ጊራ ጊሮዳይስ ቤዝነኔ ቤዞሳ?» ዬጌዛ።
18 ዝን የሱሳ ኡ ኢታ ቆፋ ኤሪ፥ «Ꮊ ጩቢታዮ፥ ታና አብስ ፓጬ?
19 ጊራ ጊርዛ ሚሽቶ ታና ቤዞይታ» ዬጌዛ። ኡንትካ ኤዝስ ድናረ ክኢ ቤዜዛ።
20 ኤ፥ «Ꮊ ሱንꬃይኔ ማላይ ኦ ባዞ?» ዬጌዛ።
21 ኡንቲ፥ «ሮመ ካታይሲ» ዬጌዛ።
የሱሳ ኡንትኮ፥ «የዝን፥ ካታይስ ቤዝዛና ካታይስ፥ ጾስስ ቤዝዛና ጾስስ እንጎይታ» ዬጌዛ።
22 ኡ የያ ስኢ ማላ ባዝ ግ አሺ ቅቴዛ።
Ꮊይቆፕ ደንዶ ባጋ
(ማር. 12:18-27፤ ሉቃ. 20:27-40)
23 የ ጋላስ Ꮊይቆፕ ደንዶ ባያ ዬግዝ ሳዱቃውታይ የሱሳኮ ይኢ፥ ዬጊ ኤዛ ኦይጬዛ።
24 «አስታማራዮ፥ ‹ሙሰ፥ ፐቲ አሲ ማቾ ኤኪ ናአ የለካዛር Ꮊይቅኮ፥ የ Ꮊይቄዛይስ እሻይ ኤ ማቻቶ ኤኪ፥ ፋ እሻይስ ናአ የሎ› ዬጊ አዛዜዛ።
25 ኑ ኤርዛ ላፑን እሽታይ የዛ። ባይራይ ማቾ ኤኪ ናአ የለካዛር Ꮊይቄዛ። ኤ ማቻቶ ኤ ካሎ እሻይ ኤኬዛ።
26 የይ ጋርከካ፥ የ አስቶ ኤኬዝ ናምአንꬆይካ፥ ሃይꬒንꬃይካ፥ Ꮊንጊ ላፑንታይ ዉሮድ ጋꬆ ኡቢታይ Ꮊይቄዛ።
27 ኡባፕ ዉርስꬆል የ አስታካ Ꮊይቄዛ።
28 የዝን፥ ላፑንታይ ኡቢታይ እዞ ኤኬዝ ግሾስ Ꮊይቆፕ ደንድዛ ጋላስ፥ የ አስታ ላፑንታይፕ ኣያይስ ማቾ ማቃዴ?» ዬጌዛ።
29 የሱሳ ማሂ፥ «ይ ጾስ ቃላይ ታማርሴዝ ባዝ ዎይ ኤ ዎልቃ ኤሮዋ ግሾስ ባልንትዛ።
30 አሳይ Ꮊይቆፐ ደንድዛ ዎደ ሳሎ የዝ ኪታንችታይ ጋርክ ማቆዳይፕ አትን ኤኮያኔ ገሎያ።
31 ማ Ꮊይቄዝ አሳይ Ꮊይቆፕ ደንዶድ ባዝ ጾስ ይንትስ ኦዴዛና ይ ናባበካሳ?
32 ጾሳይ፥ ‹ታኒ አፍራመ ጾስ፥ እሳቃ ጾስ፥ ያይቆባ ጾስ› ዬጌዛ። የይ ግሾስ፥ ጾሳይ ፓꬂ የዝታይ ጾሳፕ አትን Ꮊይቄዝታይ ጾስ ባያ» ዬጌዛ።
33 ጋመ አሳይ የያ ስኢ፥ ኤ ትምርታ ማላባዝ ጌዛ።
ኡባፕ ባይራትዛ ኪታ
(ማር. 12:28-34፤ ሉቃ. 10:25-28)
34 የሱሳ ሳዱቃውታይስ ጎድባዝ ꬋብሴዛና ፈርሳውታይ ስኢ ዎላ ሺቄዛ።
35 ኡ ጋንጨፕ ፐቲ ህገ አስታማራይ የሱሳ ፓጨ ኦይች ኦይጬዛ።
36 «አስታማራዮ፥ ህገ ኡባይፕ ኣꬍዛይ ኣያ?» ዬጊ ኦይጬዛ።
37 የሱሳ ማሂ፥ «‹ነ ጎዳ፥ ነ ጾሳ፥ ነ ኩንꬅ ዎዝናይፕ፥ ነ ኩንꬅ ሸምፖፕ፥ ነ ኩንꬅ ቆፋፕ ቃꬎባ።
38 ኡባፕ ኣꬍዛይኔ ባይራ ኪታይ Ꮊያ።
39 ናምእንꬆ ኡባይፕ ኣꬍዝ ኪታይ፥ አስ ኡባ ነ ነና ዶስዛይ ጋርክ ዶሶባ› ዬግዛያ።
40 ሙሰ ህጋይኔ ናብታይ ትምርታይ ኡባይ Ꮊ ኪትታይል አፋ ካትዛ» ዬጌዛ።
ክርስቶሳ ባጋ ኦይጬዝ ኦይች
(ማር. 12:35-37፤ ሉቃ. 20:41-44)
41 ፈርሳውታይ ፐትፕ ሺቂ የዝን፥ የሱሳ ኡንታን፥
42 «ክርስቶሳ ባጋ ይ ዋጌ? ኤ ኦ ናአ?» ዬጊ ኦይጬዛ።
ኡ፥ «ኤ ካታ ዳዉተ ናአ» ዬጊ ማሄዛ።
43 የሱሳ ኡንትኮ፥ «የዝን፥ ዳዉተ ጌሻ አያናር ማቂ ዋይዚ ክርስቶሳ፥ ‹ጎዳ› ግ ጼጌ? ዳዉተ ጊታር፥
44 « ‹ጾሳይ፥ ታ ጎዳይኮ፥
ነ ሞርክታ ነ ቶካይስ የꬍዝ አቆ ኦꬆድ ጋꬆ፥
Ꮊይዳ ታፕ ኡሻች ባጋር በቶባ› ጌዛ።
45 ይኬ፥ ዳዉተ ክርስቶሳ ጎዳ ግ ጼግኮ፥ ዋይዚ ክርስቶሳ ዳዉተ ናአ ማቄ?» ዬጌዛ።
46 የሱሳስ ፐቲ ቃላ ማሆዳይስ ዳንዳኤዝ አስ ኦንካ ባያ። ማ የ ጋላሳፕ አይኪ ሀራ ኦይች ኦይጮዳይስ ኦንካ ዳንዳኤካያ።