10
1 Hasia polalubo bidigo nogi asęani, te polalubo gavman bidi Nehemia, te Hakaliago ogwa dao. Tama te Nehemia tudi badu nosali, Sedekaia aselama, te nogi asęagasali.
2 Te Sedekaia tudi badu nosali te pris dabe aselama, nogi asęagasali. Augwali nogi e tama tiwai, Seraia, Asaria, Jeremaia,
3 me Pasur, Amaria, Malkia,
4 me Hatus, Sebania, Maluk,
5 me Harim, Meremot, Obadia,
6 me Daniel, Gineton, Baruk,
7 me Mesulam, Abiya, Mijamin,
8 me Masia, Bilgai, me Semaia dao.
9 Te pris dabe tudi badu nosali te Livai dabego nogi asęagasali. Augwali nogi e tama tiwai, Jesua, te Asaniago ogwa, tama Binui, te Henadat hani, te Katmiel,
10 tama Sebania, Hodia, Kelita, Pelaia, Hanan,
11 me Mika, Rehop, Hasabia,
12 me Sakur, Serebia, me gasa Sebania,
13 me Hodia, Bani, me Beninu, te tama dao.
14 Te Livai dabe tudi badu nosali, te hetman dabego nogi asęagasali. Augwali nogi e tiwai, Paros, Pahatmoap, Elam, me Satu, Bani,
15 me Buni, Asgat, me Bebai,
16 me Adoniya, Bikvai, me Adin,
17 me Ater, Hesekia, me Asur,
18 me Hodia, me Hasum, Besai,
19 me Harip, Anatot, Nebai,
20 me Makpias, Mesulam, me Hesir,
21 me Mesesabel, me Sadok, Jadua,
22 me Pelatia, Hanan, Anaia,
23 me Hosea, Hanania, Hasup,
24 me Halohes, Pilha, Sobek,
25 me Rehum, Hasapna, me Masea,
26 me Ahiya, me gasa Hanan, me Anan,
27 me Maluk, Harim, me Bana, te tama dao.
Te deli homu elama dąų walali po
28 “Da Israel we bidi dabe dago te po dąų walobo kontrak po asębao. Da te pris dabe, me Livai dabe te Godigo tempel be tonalubo bidi, tama te Godigo bede sę ebo bidi dabe me, te Godigo bede musik wabo bidi dabe, tama te tigidali gasa we bidi dabe me, da tigidaligo te Godigo bomai po wali pelama, tama dago te bulu badu bidi dabe, te Israel hani isąwai bidi, te dago tǫ pedaide bidalubo bidi dali kisasa me biligobeo. Da te dena we dabe dali, tama te dago wai dabego dali me tama te poba olo bugagia munama, te koneainu yali,
29 da te dena deli kaneme dabe dali, me te dago tobolu bidi dabe dali sisinagaselama, dago bomo yai po dąų waliyu, te dago Godigo bomai po sesemane sogo wali paibao wai. Te bomo yai po te Godigo te dago wąį nǫų dabeba mayu, te aga sę bidi Mosesgo nogoba mawai. Dago Genuai Bidigo te tama po wai, dago te bomo yai po dabe te bugagia wali peyu, te agai po tigidali me wali pao wali. Tama tibaso, dago te po bomai weyu, te dago wali paibao wali, tama dago te bomai po togolobaso da, teda te Godigo da dolomainao.”
30 “Tama dago te po weyu, te dago bulu tǫ pedai pąde bidalubo Israel hani isąwai bage dago te hani dali we si mu egobeo po wai dao.”
31 “Tama te bulu badu hani bidi dabego te nai wit ma gasa tobage nai te Sabat sogode, ma gasa genuai lotu wabo sogode sesebaso da, teda dago me abeligobeo, wali.”
“Tama te kibu be a naga olama, me badu nogi si, te wabo kibu bede dago te gide nai me bulugobeo, wali. Tama dago te kibu bede te tigidali negeli elalubo siminaibao.”
32 “Tama te tigidali kibu bede te da deli deligo te dwasianu pedai dage silva mone menama, te Godigo bede muabo nai dabe abelimainu yaibao wali.
33 Te silvago te bret abelama, te tebolde te God gedude muaibao, tama te tigidali side ofa iduabo wit abelainu yaibao, tama te tigidali side siaba ulama domainu yabo kibu sipsip dabe abelainu yaibao, tama te Sabat side te ofa yabo nai dabe me, tama me te gesi polua side, me te tigidali gasa genuai side te ofa yabo nai dabe abelainu yaibao. Tama silvago te da Israel dabego sęgę sela sąyu ofa yabo nai dabe abelaibao, tama te gasa ofa, me te gasa tigidali nai te Godigo be tomode sę yabo nai dabe dao.”
34 “Tama da tigidali we bidi, me te pris dabe, me Livai dabe, dago te bomo yai pogo po wali pelama, tama dago te satu gagali elama, te mena mena hani nigilama, te sia sigi pelama, te selasa asiyu, te dena Genuai Bidi te Godiba sela asali ofa dabe ulabo sia sigi pomainu yaibao.”
35 “Tama te tigidali kibu bede te dago te polasa inayani nai selama, te ni nedu du dabe polasa tau yali selama, te Godiba selasa asaibao, wai.”
36 “Tama da tigidaligo te dago gomunai wai te ogwa dabe selama, te pris dabeba odasa paibao, te Godigo beba, tama augwali dolo te Godigo da olama, sa muaibao. Tama dago te tigidali omai bulmakau wai, me sipsip, me meme selasa pelama, te augwali dolo sa munama, Godiba mawaibao. Dago te tiwai ebo te Godigo bomai pode wali po gilama yaibao.”
37 “Tama te tigidali kibu bede dago te hasia nigali bret nigabo plaua dage selama, te dago gide te polasa tau elama inayani naigo te agaga pali wit dao, tama te wain, me oliv wel, tama te tedali tobage ni wai dabe selama, tama dago te nai dabe te pris dabebolo te Godigo beba mawaibao.”
“Tama te Livai dabego te dago gide holali nai dabe me deli te nogo si walide sagasainu ebo sogo da, teda dago augwaliba mawaibao.
38 Tama te Aron hanigo pris dabe te augwa Livai dabe dali aselama, te nai dage me deli sagasaibao wai. Tama te Livai dabego te nai te nogo si pedai badu dobolama, tama me dage pedai deli te Godigo nai mubo be habuba mueibao wai dao.
39 Magi baso meni, te da we bidi me te Livai dabego te hasia podolali tigidali nai te wit me, wain me, te oliv wel me sela aselama, te Godigo nai mubo be habuba muaibao. Tama te dis pou me te be habude munaluai. Tama te Godigo be habu nigilali, tede te pris dabego be habu me, te tonalubo bidi dabego be habu me, te Godigo bede musik wabo bidi dabego be habu me elalua paibao.”
“Tama dago te Godigo be tonalubo sę munu me tagalogobeo. Te dąų wali po te ola silali dao.” Te po da, te dąų wali po mu dao.