Inesaait Mamainaang
Metiu
tii Atalaa
1
Xan Matenbung Iesu
(Luk 3:23-38)
1 Inaatalem ina xan matenbung Iesu Karisito, ia xan tsi Dewit, ia xan tsi Abaram.
2 Abaram, ia xan mom Aisak,
Aisak, ia xan mom Jakop,
Jakop, ia xan mom Juda mii xan no turamasen,
3 Juda, ia xan mom Peres ma Sera, xadelu nagaa, Tamaa
Peres, ia xan mom Esron,
Esron, ia xan mom Arem,
4 Arem, ia xan mom Aminadap,
Aminadap, ia xan mom Nason,
Nason, ia xan mom Salmon,
5 Salmon, ia xan mom Boas, xan nagaa Reaap,
Boas, ia xan mom Obet, xan nagaa Rut,
Obet, ia xan mom Jesi.
6 O Jesi, ia xan mom King Dewit.
Dewit, ia xan mom Solomon, xan nagaa xan tubu Uraia.
7 Solomon, ia xan mom Reoboam,
Reoboam, ia xan mom Abaija,
Abaija, ia xan mom Asaa,
8 Asaa, ia xan mom Josapat,
Josapat, ia xan mom Joram,
Joram, ia xan mom Usaia,
9 Usaia, ia xan mom Jotam,
Jotam, ia xan mom Aʼas,
Aʼas, ia xan mom Esakaia,
10 Esakaia, ia xan mom Manase,
Manase, ia xan mom Amon,
Amon, ia xan mom Josaia.
11 Ma Josaia, ia xan mom Jekonaia, ma no turamasen sin leng ina gigi laa Babilon.
12 Mil sin abia gigi laa Babilon:
Jekonaia, ia xan mom Salatiel,
Salatiel, ia xan mom Serubabel,
13 Serubabel, ia xan mom Abiut,
Abiut, ia xan mom Eliakim,
Eliakim, ia xan mom Aso,
14 Aso, ia xan mom Sadok,
Sadok, ia xan mom Akim,
Akim, ia xan mom Eliut,
15 Eliut, ia xan mom Eliasa,
Eliasa, ia xan mom Matan,
Matan, ia xan mom Jakop,
16 ma Jakop, ia xan mom Josep, ia xan maxis Maria, iwaa ta taxaali Iesu, gita ta putsangi Karisito.
17 Biaabi tii suk sangaul axuuk ma ga laa et ina ul xaal sin Abaram laa sin Dewit, sangaul axuuk ma ga laa et xaal sin Dewit pupua sin gigi laa Babilon ma sangaul axuuk ma ga laa et sebula xaal sin gigi Babilon le pupua sin Karisito.
Maria a taana Iesu
(Luk 2:1-7)
18 Balawaa inaatalem ina Maria tii taana Iesu Karisito: Maria, di tii se xubatsi ngali naba maxis sin Josep. Oro setauan sin delu ba ta maxis, di se tatanginai ta se tiaan taman tsi biaa Nantanua Pat ta tali sin.
19 Amuina Josep, iwaa xan maas, ia taamat tutiik tii ga xap saan ngali amangieli ia nan no matan no inaman, ga adodo ngali atsiplii adamisi ia.
20 Oro mil Josep adodo xuduxudu sin abia, xan angelo Orong ga asemat sin ia lalon binalang, ga we, “Josep, xan tsi Dewit, nangaam mataa ngali giwaa Maria laa tataam malen num tubu amuina Nantanua Pat tsaa a tali aia tsi lalon balan.
21 Maria naba taana tsi taamat ma u na a tsoxo iesani Iesu, amuina naba atoaa xan no inaman sin xadi no namaang tsaxa.”
22 Balawaa no maarang araraa atsap ngali taxaawiti xan totore Orong ta tali sin xan propet.
23 “Iexa aina uul ta xap mager matul mii xa taamat naba tiaan,
ma naba taana xa tsi taamat, di ba a tso iesani Emanuel.”
Muina abala ies aweaatalaa, “Moroaa a manman mii gita.”
24 Biaa Josep ta pade, asuk amusili sawe xan angelo Orong ta asaait awatwati taman ma ga giwaa Maria laa tatan malen xan tubu.
25 Oro, delu xap mager matmatuul etaxaa til sin leng Maria ta taxaanai tsi taamat, o Josep ga a tso iesani ia, Iesu.