10
Uhlelo Lwezizwe
1 Lo ngumlando kaShemu, loHamu loJafethi, amadodana kaNowa, okwathi bona ngokwabo baba lamadodana ngemva kwesikhukhula.
AmaJafethi
2 Amadodana kaJafethi ayeyila:
uGomeri, uMagogi, uMadayi uJavani, uThubhali, uMesheki loThirasi.
3 Amadodana kaGomeri ayeyila:
u-Ashikhenazi, uRifathi kanye loThogarima.
4 Amadodana kaJavani ayeyila:
u-Elisha, uThashishi, uKhithimi loRodanimu.
5 (Kusukela kulaba abahlala ngasolwandle behlukana ngezigodi zabo, yilabo ngosendo lwabo bephakathi kwezizwe zabo, kuyilabo lalabo bekhuluma ulimi lwabo.)
AmaHamithi
6 Amadodana kaHamu ayeyila:
uKhushi, uMizirayimi, uPhuthi loKhenani.
7 Amadodana kaKhushi ayeyila:
uSebha, uHavila, uSabhitha, uRahama loSabhitheka.
Amadodana kaRahama ayeyila:
uShebha loDedani.
8 UKhushi wayenguyise kaNimrodi, owakhula waba liqhawe elilamandla emhlabeni.
9 Wayengumzingeli omkhulu phambi kukaThixo; kungakho lokho kwathiwa, “NjengoNimrodi, umzingeli omkhulu phambi kukaThixo.”
10 Izindawo ezinkulu zembusweni wakhe kwakuyiBhabhiloni, i-Erekhi, i-Akhadi leKhaline eShinari.
11 Esuka kulelolizwe waya e-Asiriya lapho akha khona iNiniva, iRehobhothi, i-Iri, iKhala
12 leReseni ephakathi kweNiniva leKhala; yilo idolobho elikhulukazi.
13 UMizirayimi wayenguyise
wamaLudi, ama-Anami, amaLehabhi, amaNafithuhi,
14 amaPhathrosi lamaKhasiluhi (okwadabuka khona amaFilistiya) lamaKhafithori.
15 UKhenani wayenguyise
kaSidoni izibulo lakhe, amaHithi,
16 amaJebusi, ama-Amori, amaGigashi,
17 amaHivi, ama-Arikhi, amaSini,
18 ama-Avadi, amaZemari kanye lamaHamathi.
(Muva izizwana zamaKhenani zasabalala
19 kwathi imingcele yeKhenani yasukela eSidoni isiya eGerari kufika eGaza, besekuqonda eSodoma, leGomora, le-Adima leZebhoyimi kuze kuyefika eLasha.)
20 La yiwo amadodana kaHamu ngokosendo lwawo langezindimi zawo, ezigodini zawo kanye langezizwe zawo.
AmaSemi
21 Amadodana azalwa njalo kuShemu, umnewabo owayenguJafethi; uShemu wayengukhokho wawo wonke amadodana ka-Ebha.
22 Amadodana kaShemu ayeyila:
u-Elamu, u-Ashuri, u-Afazadi, uLudi lo-Aramu.
23 Amadodana ka-Aramu ayeyila:
u-Uzi, uHuli, uGetha loMesheki.
24 U-Afazadi wayenguyise kaShela,
uShela wazala u-Ebha.
25 Amadodana amabili ayezalwa ngu-Ebha ayeyila:
Omunye wayenguPhelegi, ngoba ngezinsuku zakhe umhlaba wawudabuke phakathi; umfowabo kwakuthiwa nguJokithani.
26 UJokithani wayenguyise
ka-Alimodadi, uShelefi, uHazarimavethi, uJera,
27 uHadoramu, u-Uzali, uDikila,
28 u-Obhali, u-Abhimayeli, uShebha,
29 u-Ofiri, uHavila kanye loJobhabhi. Bonke laba babengamadodana kaJokithani.
30 Isigodi ababehlala kuso sasisukela eMesha kusiya eSefari elizweni elilamaqaqa elisempumalanga.
31 La ngamadodana kaShemu ngokosendo lwawo langezindimi zawo, emazweni awo lezizweni zawo.
32 Lezi zinsendo zamadodana kaNowa kusiya ngemindeni yazo, phakathi kwezizwe zawo. Kusukela kuzo, izizwe zahlakazeka zagcwala umhlaba wonke emva kukazamcolo.