114
छुत्काराया नखःया भजन
1 इस्राएलीतय्सं
मिश्र देश त्वःतूबलय्,
याकूबया सन्तान
मेगु भाय् ल्हाइपिं मनूतय्गु दथुं
पिहां वःबलय्
2 यहूदा परमेश्वरया पवित्रथाय्
व इस्राएल वय्कःया राज्य जुल।
3 इमित खनाः
लाल समुद्र बिस्युं वन,
यर्दन खुसि लिखतं न्ह्यात।
4 पर्वतत भ्याःचा थें
व डाँडात फै थें तिंन्हुल।
5 अय् समुद्र, छन्त छु जुल,
छाय् छ बिस्युं वनागु?
अय् यर्दन खुसि,
छाय् छ लिखतं न्ह्यानागु?
6 अय् पर्वतत, छिपिं
छाय् भ्याःचात थें तिंन्हुयागु?
अय् डाँडात,
छाय् छिपिं फैचात थें
तिंन्हुयागु?
7 अय् पृथ्वी, परमप्रभुया न्ह्यःने
थरथर खा,
याकूबया परमेश्वरया न्ह्यःने
थरथर खा,
8 वय्कलं ल्वहंयात
लःया पुखुलिइ,
अले च्वल्वहंयात
लःया धालय् हीकादी।