120
ग्वाहालिया निंतिं प्रार्थना
यरूशलेमय् थाहां वनेत हाःगु म्ये
1 दुःखया इलय् जिं
परमप्रभुयाके
ग्वाहालि फ्वना,
वय्कलं जितः लिसः बियादिल।
2 हे परमप्रभु!
मखुगु खँ ल्हाइपिं
व ध्वंलाइपिंपाखें
जितः बचय् यानादिसँ।
3 अय् फताहा,
परमेश्वरं छन्त छु यानादी?
छन्त मेगु अप्वः छु यानादी?
4 वय्कलं छन्त सिपाइँया
च्वामुगु वाणं
अले च्यानाच्वंगु हेंग्वां
सजाँय बियादी।
5 धिक्कार दु जितः,
छाय्धाःसा जि मेशेकय्
परदेशी जुयाः च्वनेमाली,
अले केदारया पालतय्गु दथुइ
च्वनेमाःगु दु।
6 शान्तियात मयय्किपिनिगु दथुइ
च्वनाच्वनागु यक्व दत।
7 जितः ला शान्ति यः,
तर जिं शान्तिया खँ ल्हाइबलय्
इपिं लडाइँ यायेत तयार जुइगु।