124
छुत्काराया निंतिं सुभाय्
दाऊदया भजन, यरूशलेमय् थाहां वनेत हाःगु म्ये
1 परमप्रभु झीपाखे
मदीगु जूसा,
इस्राएलं आः धायेमा,
2 परमप्रभु झीपाखे मदीगु जूसा,
मनूतय्सं झीत हमला याःबलय्
3 झीपिं खनाः
इपिं मि थें तं चाःबलय्,
इमिसं झीत म्वाःम्वाकं
नुनाछ्वये धुंकीगु।
4 खुसिबालं झीत त्वपुये धुंकीगु,
अले लःधाः झीगु म्हया
च्वय्नं न्ह्याये धुंकीगु।
5 छ्वाःगु लखं झीत
चुइकायंके धुंकीगु।
6 झीत इमिगु वाया शिकार
जुइके बिया मदीम्ह
परमप्रभुया प्रशंसा जुइमा।
7 शिकारीया जालं
झंगः बचय् जूगु थें
झीपिं बचय् जुइ धुंकल।
इमिगु जाः गुत
अले झीपिं बचय् जुल।
8 झीगु ग्वाहालि
स्वर्ग व पृथ्वी सृष्टि यानादीम्ह
परमप्रभुया नामय् दु।