82
परमेश्वर
दकलय् तःधंम्ह शासक
आसापया भजन
1 परमेश्वर स्वर्गया सभाया
नायः जुयादी,
द्यःतय् दथुइ वय्कलं
फैसला यानादी।
2 “छिमिसं गुबलय् तक
अन्याय जुइक
इन्साफ यानाच्वनेगु,
अले दुष्टतय्गु
पंलिनाच्वनेगु?
सेला
3 मगाःमचाःपिं
व मां बौ मदुपिन्त
रक्षा या,
चीमि व क्वत्यका च्वंपिनिगु
न्याय या।
4 बमल्लाः व मगाःमचाःपिन्त
बचय् या,
इमित दुष्टतय्गु ल्हातं
त्वःतकि।
5 “इमिसं छुं नं मथू,
इमिसं छुं नं मस्यू,
तर खिउँगुलिइ थुखे उखे
जुयाच्वनी,
पृथ्वीया फुक्क जग संगु दु।
6 “जिं धया, ‘छिपिं द्यः खः’,
छिपिं सकलें दक्वसिबय्
तःधंम्हय्सिया काय्पिं खः।
7 अय्नं छिपिं मनूत थें
सिनावनी,
अले मेमेपिं शासक थें
छिमिगु जीवन सिधइ।”
8 हे परमेश्वर दनादिसँ,
पृथ्वीया न्याय यानादिसँ
छाय्धाःसा छिं फुक्क
जातितय्त
अधिकार यानादी।