5
मालदार माणहा चेकचेल्या रिवो
1 एय मालदार माणहा, होमली लिवो, तुमू तुमरा आवणारा सेतावा पोर आयड़ी आयड़ीन रिड़ो।
2 तुमरो माल बिगेड़ जायेल हे, एने तुमरा फाड़काह किड़ा खाय जायेल हेते।
3 तुमरा होना चांदी माय जेंग लाग जायेल हे; एने ती जेंग पोर गोवाय देय, एने आक्ठान गेत तुमरो माह खाय जाय। तुमू सेवेटल्या काला माय माल टुलो किरेल हेते।
4 हुमलो, जा मोंजर्या तुमरा खेता माय काम केऱ्या, एने कामाय काटेल हेते, तान ती मोंजरी जी तुमू ठेगीन मेल लियेल हेते आयेड़ने बाजरेनीह, एने मोंजऱ्यान बोल सेनावोन मालीकान काने वोर पोच जायेल हे।
5 तुमू देरती पोर तोपशा माय लाग रिहो एने मोठोह हुक बोगना; तुमू ज्या बोलीन दिह्यान केरता तुमरा मोनान चाकरी केरीन ताह मोटलो एने ताबालो केऱ्या।
6 तुमू सिदा माणहाह गुनेगार ठेरावीन मार देना, तो तुमरे सामनो नाह किरेत।
दिर एने विन्ता
7 ज्यानकेरीन एय बाय बोणहा, मालीक आवी ताह वोर दिर दिरो। हुमलो, किरसाण देरतीन मोंगाली कामाईन आसा मेलतेन पेल्लो एने सेवल्यो पाणी आवी ताह वोर दिर देरने।
8 तुमू बी दिर दिरो; एने तुमरा मोनाह मोजबुत किरो, काहाकाय मालीकान आवणो आहने हे।
9 एय बाय बोणहा, एका दिहरा पोर गुनो मा लागाड़ो, काय तुमू दोसी नाय ठेराहो; हुमलो, आदिकारी बायणा पोर उबरिनोह।
10 एय बाय बोणहा, जा जाणकारे मालीकान नावा माय वातु किरेल हेते, ताह दुख विसणेन एने दिर देरनेन एक सादेन सोमजो।
11 हुमलो, आमु दिर देरनाराह बोरकेतवाला केतेह। तुमू आयुबान दिर ने बाराम होमलेल हेते, एने मालीकान उगे रेन जो तान फोल एनो ताह बी जाण लियेल हेते, ता माय मालीकान मोटली किव एने देया देखाथे।
12 पुण एय मारा बाय बोणहा, आखाम रेन हाजी वात ज्यी हे, काय सुगोण मा खाहो, नाह हेरगान, नाह देरतीन, नाह काल्ली चिजीन; पुण तुमरी वातु होव ते होव, एने नाह ते नाह रेय काय तुमू डेंडान लायेक नाय ठेराहो।
13 केदी तुमरे माय कुण दुखी एय, ताहार तो विन्ता केरी। केदी खुस एय ताहार तो बोड़ायीन गीत गावी।
14 केदी तुमरे माय कुण दुखाऱ्यो हे, ते मोंडलीन डायला माणहाह हादि, एने ता मालीकान नावा माय ता पोर तेल चोपड़ीन तान केरता विन्ता केरी,
15 एने बोरहान विन्ता द्वारे दुखाऱ्यो वोच जाय एने मालीक ताह विसीन उबराखाड़ देय; एने केदी तो पाप बी किरेल एय, ते तान बी माफी जुड़ जाय।
16 ज्यानकेरीन तुमू सोता माय एका दिहरान ओंगाण आपणा आपणा पापाह मान लिवो, एने एका दिहरान केरता विन्ता किरो, ताकेरीन हुदरी जाहो, देरमी जाणान विन्तान फारेक माय जुलूम काय एय सिकेह।
17 जाणाव केरनार एलिया बी ते आपणी गेत दुख हुक बोगणार माणुह एतो; एने तो रेड़ रेड़ीन विन्ता किऱ्यो काय पाणी नाय पोड़ी; एने साड़े तीन वोरह्या वोर बुय पोर पाणी नाह आवो।
18 पोशो तो विन्ता किऱ्यो ते जुगा माय रेन पाणी पोड़नो, एने बुय फोलावाली एय गियी।
19 एय मारा बाय बोणहा, केदी तुमरे माय कुण बोरहाम रेन बोटकी जायेल हे ताहार ताह पोशो बोरहा माय लावी,
20 ते तो ज्यो जाण लेय काय जो कुण एगदा विश्वास माय रेन बोटकेल पापीह पोशो बोरहा माय लावी, एने तो एक जीवाह मोतीम रेन वोचाड़ी एने जुलूम पापा पोर पुड़दो टाकी।