19
1 ज्यी आखी वातुन पासाण हेरगा माय मोकतास माणहान एक मोठेस आयेड़नेन आवाज मी होमल्यो, “बोगवानान स्तुती एय! सुटकारो, बोड़ाय, एने ताकेत आमरा यीशु मसीन हे!
2 काहाकाय तान नियाव खीरलो एने ठिख हे! तो ती सिनालो केरनारीह जी तीन सिनाला केरीन आखी देरतीन माणहाह खाराब किरेल एती। बोगवान नियाव केरीन तान पावोर ने खुन ने बुदलो लियेल हे।”
3 ता माणहे पोशा दुसरी वार आयड़ीन केया, “बोगवानान स्तुती एय! तान हेलेगणेन दुवाड़ो कायेम कायेम उड़ती रेय।”
4 तेवी चोववीस डायला माणहे, एने चार जेनवारे पाया पोड़ीन वोंद्या एने बोगवानान आरादना केऱ्या जो राजगादि पोर बोह रियेल ईतो। एने केया, “आमेन! बोगवानान स्तुती एय!”
मेंड्रान वाराड़ान खाणो
5 तेवी राजगादि माय रेन एक आवाज आवो, “आखा तान पावोर एने आखा माणहे दुयू आतल्या मोटला आमरा बोगवानान स्तुती किरो, तुमू जा ताह बितेह!”
6 पोशो मी एक मोटली माणहान गेरदीन गेत पाण्यान वोयणेन गेत एने वादलान मोठेस आयेड़णारान गेत आवाज होमलेल, “बोगवानान स्तुती एय!” काहाकाय आमरो मालीक आमरा ताकेतवाला बोगवानान राजा हे!
7 आवो, आपु खुस एने आनन्दित एता; एने तान महानतान केरीन तान बोड़ाय केरता, एने मेंड्रान वाराड़ान टेम आव लागेल हे, काहाकाय तान लाडी आपणे आपाह तियार किरेल हे।
8 तीह साप सुतरा, चोमेकदार, हुवाल्ला फाड़का पेरनेन केरता आपाय गीयाह। काहाकाय ता हुवाल्ला फाड़का बोगवानान माणहान हाजा कामान निसाणी हे।
9 तेवी हेरोगदुत माहु केयो, “ज्यो लिख, बोरकेतवाला माणहे ता हेते, जा मेंड्रान वाराड़ा माय खाणेन केरता हादाय जायेल हेते।” एने हेरोगदुत माहु पोशो केयो, “ज्या बोगवानान खेरला वचन हेते।”
10 तेवी मी तान आरादना केरनेन केरता तान पाया हिऱ्यो पोड़ गीयो। पुण तो माहु केयो, “देख, इहकेरीन मा केरी, मी तार गेत एने दिहरा बुरहो केरनारान गेत एक पावोर हे, ता आखा यीशु देखाड़ेल खेरायीह देर रेनाह। बोगवानान आरादना किर!”
काहाकाय जो खेराय यीशु देखाड़ेल हे तो जाणकाराह खुस किरेह।
दोवल्या गोड़ा पोर बोहणार
11 पुशो मी हेरगाह उगेड़तालो दिख्यो, एने ता एक दोवल्यो गुड़ो ईतो। ता गोड़ा पोर बोहणारान बोरहावाला एने सिदो केवाथी; काहाकाय तो खेराय हेऱ्यो हुमच्यो किरेह एने तान लेड़ाय लिड़ेह।
12 तान डोला ओहला एता मानु आक्ठान आसने गेत एय, एने तान मुंडा पोर मोकतास मुकूट एता। ता पोर एक नाव लिखेल एतो, पुण ताह सोड़ीन तो काय हे कुणीस नाह जाणतालो।
13 तो ओहला फाड़का पिर रियेल ईतो जा लुय माय बुड़ायेल एय। एने तान नाव “बोगवानान बोल हे।”
14 हेरगान सेना दोवल्या गोड़ा पोर दोवल्या, साप एने हाजाला हुवाल्ला फाड़का पेरीन मेंड्रान पासाण पासाण जाणे बाजरियेल एती।
15 देसा देसान माणहाह आरेवणेन केरता मेंड्रान मुया माय रेन एक तेज दारवाली तालवार निकेलने बाजरियेल एती। तो ता उपेर लोखंडान राजडिंगो लेन राज केरी, एने तो आखाह रेन ताकेतवान बोगवानान रागा केरीन दारान कुंड माय अंगुराह रोहंदली।
16 तान फाड़का एने जांग पोर ज्यो नाव लिखेल एतो: “राजान राजा एने मालीक ने मालीक!”
17 पुशो मी एक हेरोगदुताह दिह्या माय उबरियेल दिख्यो। तो मोठेस आयड़ीन जुगाम उड़णारा चीड़ाह केयो, “आवो एने बोगवानान मोटला खाणान केरता एकठा एय जावो!
18 आवो एने राजान माह, मुखीन, सिपायान, गोड़ान एने ता पोर बोहणारान, आजाद, पावोर, आत्या मोठान एने आखा माणहान सेरीर खावो!”
19 पुशो मी ता जेनवेराह एने दुनियान राजाह दिख्यो, ता हेऱ्यी तान सेना एती एने गोड़ा पोर बोह रियेल माणहा एने तान सेना हेऱ्या लेड़ाणेन केरता एकठा ईयेल एता।
20 ता जेनवेराह एने जुठा जाणकाराह जो तान ओंगाण चोमेत्कार देखाड़तालो, ता दुयूह बोंदी बोणाव लेदा। जो चोमेत्कार केरीन माणहाह ठेगतालो। एने जा माणहे जेनवेरान साप लियेल एता एने जा माणहे मुरतीन पुजा केरताला। जेनवेराह एने जुठा जाणकाराह दुयूह बी हेलेगताला गंदक एने आक्ठान जोवरा माय जीवतालाच टाकाय गीया।
21 बाकी वोचेल सिपाय ता गोड़ा पोर बोह रियेल माणहान मुया माय रेन निकेलनार तेज दारवाली तालवार केरीन माराय गीया; एने आखा चीड़ा तान माह खाईन आफरी गीया।