22
1 ज्यान पासाण हेरोगदुत माहु एक जीवाय आपणार नेदी देखाड्यो, ज्यी नेदी बिल्लोर देगड़ान गेत चोमेकताली, ती बोगवान ने एने मेंड्रान राजगादिम रेन निकेलताली
2 एने ता हेयरान सेड़कीन विची माय रेन वोयताली। नेदीन दुयू उगे जीवणान जाड़ एता, ता जाड़ा पोर एकेक टेम माय बारा वार फोल लागताला मोयना माय एक वारीन, एने ता जाड़ान पांटा देसा देसान माणहान केरता हुदेरनेन काम केरताला।
3 एने हेयारा माय कुण बी बोगवानान हाराप माय नाय रेय।
पुण बोगवानान राजगादि एने मेंड्रो ता हेयरा माय रेय, एने तान पावोर तान आरादना केरती।
4 ता माणहे तान मुय देखती, एने यीशुन नाव तान निंडाला पोर लिखेल रेय।
5 ता पोशो केदी रात नाय एय, एने ताह दिवान एने दिह्यान उजालान गिरेज नाय पोड़ी, काहाकाय मालीक बोगवान खुद तान उजालो रेय, एने ता राजान गेत कायेम कायेम राज केरती।
यीशुन आवणो
6 पुशो हेरोगदुत माहु केयो, “ज्यी वात खेरली एने बोरहान लायेक हे। एने मालीक बोगवान जो तान जीव जाणकाराह आपेह, तो तान पावोर फाय हेरोगदुताह ज्यानकेरता मुकलेल हे काय जेल्दी एणार वातुह देखाड़ी।”
7 एने यीशु केयो, “दिखो, मी जेल्दी आवण्यो हे! बोरकेतवाला माणहे ता हेते, जा माणहे ज्यी पुस्तेकीन जाणाव ने वातुन पालेन केरतेह!”
8 मी तोस योहान हे, जो ज्यी वातुह होमलेल एने दिखेल ईतो। ज्यी वातुह देखणे एने होमेलनेन पासाण जो हेरोगदुत माहु ज्यी आखी वातुह देखाड़ेल ईतो, मी तान आरादना केरनेन केरता तान पाया पुड़नो।
9 पुण तो माहु केयो, “देख, इहकेरीन मा केरी! काहाकाय मी तुमरा बाहख जाणकारान जा ज्यी पुस्तेक माय लिखेल वातुन पालेन केरतेह, एक हाती सेवक हे। बोगवानान ओलीस आरादना किर!”
10 एने तो माहु पोशो केयो, “ज्यी जाणाव ने पुस्तेकीह लिकाड़ीन मा मिलही, काहाकाय ज्यी आखी वातुन पुरो एणेन टेम आहने हे।
11 जो नुकसान किरेह तो नुकसानुस केरती रेय, एने जो खाराब हे तो खाराबी मायच बोणीन रेय; एने जो हाजो हे तो हाजोस केरती रेय, एने जो चोखो हे तो चोखालो बोणीन रेय।”
12 “हुमलो, मी जेल्दी आवणे माय हे! एने माणहान कामान गेत आपाण्यो हे, तो फोल मार फाय हे।
13 पिल्लो एने सेवल्यो, सुरवात एने आखरी मीच हे।”
14 बोरकेतवाला ता हेते जा तान फाड़का दोव लेतेह, काहाकाय ताह जीवणान जाड़ान फोल खाणेन आदिकार जुड़ी, एने ता बायणा माय रेन हेयरा माय जाती।
15 पुण चिता एने जादु केरनारे, सिनालो केरनारे एने खुन केरनारे, मुरतीन पुजा केरनारे एने आखी बातीन जुठाह मोंग केरनारे एने जुठी वातु बाणावणारे, ता आखा हेयरान बाहेर रेती।
16 “मी यीशु, मार हेरोगदुताह ज्यानकेरता मुकलेल हे काय तुमरी ओंगाण मोंडली माय ज्यी वातुन गोवाही केय सेकी। मी दाऊद ने गेराणान वोस हे; एने मी विगोस ने चोमेकतालो तारो हे।”
17 जीव एने वोवड़ी दुयून केणु हे, “आव!”
एने जो होमलेह तो किथे, “आव!”
एने जो तिहल्यो हे तो आवी; एने जीवाय ने पाणी फुकेट माय लेय लेय।
निवरनो
18 मी योहान एकेक माणहाह केथु, जो ज्यी पुस्तेकीन जाणाव ने वातुह होमलेह: मार ज्यी चेतावणी हे, केदी तो ज्यी वातु माय काह वोड़ावी, ते बोगवान ज्यी पुस्तेक माय लिखेल पिड़ाह तान केरता वोड़ावी।
19 केदी एगदो ज्यी जाणाव ने पुस्तेक माय रेन काह काड़ देय, ते बोगवान ताह जीवणान जाड़ एने चोखाला हेयराम रेन, जिहकेरीन ज्यी पुस्तेक माय लिखेल हे, तान ईसो निकाल देय।
20 यीशु जो ज्यी वातुन गोवाह हे, तो ज्यो केतेह, “मी जेल्दी आवण्यो हे!” आमेन।
एय मालीक यीशु, जेल्दी आव!
21 मालीक यीशुन गीण बोगवानान माणहा हेऱ्यो रेय। आमेन।