WUNYJURRU YIJA-YIJI WIRTU MUWARR?
4
Jinta Juwurrangu yatilarrangu warajanga jarrinyiyalu Jiyijaji ngawu manaku muwarrku, palinyju warinykurnuku muwarrku wurranaku.
Waraja pirirri jananga miranu jinakata Juwumilirranguku purlpijaku muwarrkurrangu Ngarrkajaku. Palinyju japirr marna Jiyijaji,
“Yu! Miranu jinakata, wunyjurru yija-yiji wirtu muwarr Ngarrkaja?”
Jiyijajilu puntaju karra marnalu,
“Miranu nyuntu nyunguku purlpijaku muwarrku:
'Ngarrkangarra wirtu nyampali nyuntuku.
Ngarrka ngarlungu jilamanparningu ngarramarntilu, wakanyju nyuntulu ngarlungu jilamanparningu Ngarrka, ngarlulupa pirlurrjupa kurlkapirlilu.'
Nyarrangarra wirtu yija-yiji muwarr.
Warinymarninypa muwarr nyarrakapali:
'Nyuntulu ngarlungu jinanparningu.
Palajunmarta ngarlungu jinaku marrnguku wiyirrku pukun. Ngarlungu jilamanparningu marrngu wiyirr.'
Ngarrkalu kurrngal muwarr wirrirninganyjurruku, jinta Muwujujapa jinta Ngarrkamilija muwarr pinakatarranguja. Nyuntulu jinajalu nyarralujirri muwarrjujirri yijalu yirrkulu jinanjaninyi jinta wiyirr muwarr Ngarrkaja.”