110
Ezabbuli ya Dawudi.
1 Musengwa galoma Musengwa yange ati,
“Yiihala ni wundireene hu lubega olwʼomuhono gwange omulungi,
ohwola olu ndifuula abasigu babo ekookolo eyʼohutaho amagulu gago.”
2 Musengwa aja hugalamya obuŋugi wuwo ohuŋwa e Sayuuni,
era oja huŋuga abalabe babo.
3 Hu ludaalo olwʼolutalo, abasirikale babo balyeŋaayo ohusoola nʼomwoyo mulala.
Ngʼolu obona olume olwomu mugamba,
abavubuka babo baliija baatyo hu lusozi lulwo olwawufu.
4 Musengwa galayira
era salicuusa biŋeego bibye olu gahulayirira ati,
“Oli musengi emirembe nʼemirembe hya Melukezedeki.”
5 Musengwa ali hu luuyi lwʼomuhono gugwo omulungi,
nʼaliruŋa, alibulungula abahabaha.
6 Alisalira amawanga omusango,
gawunga emungo jʼemirambo
alisihiirisa abaŋugi mu hyalo hyosihyosi.
7 Aye omwene alinywa amaaji ohuŋwa mu sobere eyohu tulo wʼengira,
nʼahenire ohuŋangula abalabe babe.