138
Ya Dawudi.
1 O Musengwa, nja huhujumiryanga nʼomwoyo gwange gwosigwosi,
nja hwemba ni kujumirya mu moni ja bahatonda.
2 Nja huhubba amafuha ni nengereeye Yekaalu yiyo enjawufu
era nja hujumirya esiina liryo
olwʼohwenda huhwo ohubitiirifu nʼowesigwa wuwo
olwohuba ebiitu byosibyosi biri ŋaasi wʼesiina liryo nʼehibono hihyo.
3 Ni nahulanga, wangobolamo,
wafuula musira era wangumya.
4 O Musengwa, abahabaha bosibosi mu hyalo bahujumiryenga,
hiisi olu banaŋulirenga ebibono bibyo.
5 Baja hwemba hu ebi Musengwa ahola,
Musengwa wʼeŋono bugali.
6 Wayire Musengwa ali ŋamugulu,
alabirira aba banyooma aye ali ŋaleeŋi nʼabepaahapaaha.
7 Wayire ngenda ebigosi ni binetolooye aye ohuuma obulamu wange.
Oŋiriŋania abasigu bange, omuhono gugwo njʼoguponia.
8 Musengwa aja hwoheresa ehigendererwa hihye mu bulamu wange,
O Musengwa, ohwenda huhwo hubitiirifu emirembe nʼemirembe.
Otatwesamba olwohuba watutonda.