5
Adam nea upu nea momou
1 Areini sahoro Adam nea upu momou nanao. Mataanoe Anahatana ihaye tau mansiau. Ia mansia rei iroma ruai nitai.
2 Ihaye tau mansia mo, ia pina runa ia hanaie. Irui iake osiso. Ioiso tau mansiau.
3 Adam iruei rotu-tu ne musum 130. Ita isusu anai hanaie isa honu. Nooi sani ia ruai. Ihete nanai tau Set.
4 Adam ikarihuru iamahai rotu-tu musum 800 honu, isusu ne hehuka umau honu.
5 Rotu-tu iruei ne musum 930 samatoro imatai.
6 Tau Set ne musum 105 isusu anai hanaie isa nanai Enos.
7 Set ikarihuru iamahai rotu-tu musum 807 honu, isusu ne hehuka umau honu.
8 Rotu-tu iruei ne musum 912 samatoro imatai.
9 Tau Enos ne musum 90 isusu anai hanaie isa nanai Kenan.
10 Enos ikarihuru iamahai rotu-tu musum 815 honu, isusu ne hehuka umau honu.
11 Rotu-tu iruei ne musum 905 samatoro imatai.
12 Tau Kenan ne musum 70 isusu anai hanaie isa nanai Mahalaleel.
13 Kenan ikarihuru iamahai rotu-tu musum 840 honu, isusu ne hehuka umau honu.
14 Rotu-tu iruei ne musum 910 samatoro imatai.
15 Tau Mahalaleel ne musum 65 isusu anai hanaie isa nanai Yared.
16 Mahalaleel ikarihuru iamahai rotu-tu musum 830 honu, isusu ne hehuka umau honu.
17 Rotu-tu iruei ne musum 895 samatoro imatai.
18 Tau Yared ne musum 162 isusu anai hanaie isa nanai Henokh.
19 Yared ikarihuru iamahai rotu-tu musum 800 honu, isusu ne hehuka umau honu.
20 Rotu-tu iruei ne musum 962 samatoro imatai.
21 Tau Henokh ne musum 65 isusu anai hanaie isa nanai Metusalah.
22 Henokh ikarihuru iamahai anoi osa runa Anahatana rotu-tu musum 300 honu, isusu ne hehuka umau honu.
23 Iruei rotu-tu ne musum 365.
24 Henokh anoi osa runa Anahatana sui osa reiso, Anahatana iapusaai. Sira tau tutui tewa nea.
25 Tau Metusalah ne musum 187 isusu anai hanaie isa nanai Lamekh.
26 Metusalah ikarihuru iamahai rotu-tu musum 782 honu, isusu ne hehuka umau honu.
27 Rotu-tu iruei ne musum 969 samatoro imatai.
28 Tau Lamekh ne musum 182 isusu anai hanaie isa.
29 Iahata, “Ia ikine rei mka irui karahirine osita tau irahuta mai tuamane wani Anahatana irui kahatene tanui.” Reiso Lamekh ihete nanai tau Nuh. Nuh nene manariti, “Karahirine.”
30 Lamekh ikarihuru iamahai rotu-tu musum 595 honu, isusu ne hehuka umau honu.
31 Rotu-tu iruei ne musum 777 oyo imatai.
32 Nuh ne musum 500, oyo isusu ne hehuka hanaia tonu. Ia manaonete nanai Sem, ia autihue nanai Yafet, ia muie nanai Ham.