23
1 ጳዉሎሳ ፍርድዘ አሱንꬃና ዳኪ ብእ፥ «ታ እሹንꬆ፥ ታ Ꮉይኖ የሎደስ ጾዘ ቲኖ ታ የስተ ኡባ ሎኦ ዎዝናራ የዝዳ» ጋይዳ።
2 ካህኑንꬅ Ꮉላቅዘ ሀናንያ፥ ጳዉሎሳ ዶንቶ ባቆደ ጋር ኤ ካለ ኤቅዱንꬃና ኪትዳ።
3 የ ዎደ ጳዉሎሳ ኤጎ፥ «ናተ ቦꬅ ፎርቾ ትዥንትደ ዶቸይ፥ ጾዚ ነና ባቆዳ። ኔኒ ታላ ህገራ ፍርዶደስ በቲ የዝተ ህገ አሺ ታና ባቃደ ጋር ኪታነ?» ያጋይዳ።
4 ጳዉሎሳ ካለ ኤቅዱንꬅ ኤጎ፥ «ነ ጾዘ ካህኑንꬅ Ꮉላቃ ጫዣነ?» ያጋይዳ።
5 ጳዉሎሳ፥ «ታ እሹንꬆ፥ ኤ ካህኑንꬅ Ꮉላቃ ማቅዳኖ ታ ኤርካያ፤ አኮስ ጋይኮ ጾዘ ቃልተ፥ ‹ነ ዎርዣ አህዘላ ኢታ ቃላ ኦህፐ› ያጋእንት ጻፍንትዳ» ያጋይዳ።
6 የዝን ጳዉሎሳ ይና በስተ የዘ አሱንꬃፓ ባጉንꬅ ሳዱቃዉያነ፥ ባጉንꬅ ፋርሳዉያነ ማቅዛኖ ኤሪ፥ «ታ እሹንꬆ፥ ታ ፋርሳዉያነ ፋርሳዉያነ ናአ፤ ‹Ꮉይቂዱንꬅ Ꮉይቆፓ ደንዶዳ› ጋእ ታኒ ኡፋይሳራ ናግዘ ግሾ ኡን ታላ ፍርዳነ» ያጋእ ኦህዳ።
7 ጳዉሎሳ ይኖ ጋይደ ዎደ ፋርሳዉንꬅ ግዳን ሳዱቃዉንꬅ ግዳ ካች ከዝን ሻክንትዳ።
8 አኮስ ጋይኮ፥ ሳዱቃዉንꬅ፥ «Ꮉይቂደ አስ ደንዶስ፤ ኪታንቾን፥ አያናን ባያ» ያጋዙንꬃና። የዝን ፋርሳዉንꬅ ኡባ የዛኖ አማናነ።
9 ዳማ ካች ከዝዳ፤ ፋርሳዉንꬅ ዛላ ማቅደ ህገ አስታማሩንꬅ ደንዲ ኤቂ፥ «Ꮉይ አꬄላ አኮ ባላ ባዝ ደንግካያ፤ ኤስ አያና ዎይ ኪታንቾ ኦህካይዛራ አሾስ» ያጋእ ዎላ ላልዳ።
10 ካችታ ጋንግን አሱንꬅ ጳዉሎሳ ሻቅꬅ ኤካመ ጋር ጋእ፥ ሻላቅዘ ፋ ዎታዳሩንꬅ ዎꬊ ኡን ግዳ ፋ ኤዛ ኤልሲ ኬሲ ፋ የዘ በሳ ካንጎደ ጋር ኪትዳ።
11 ይኒ ቃማ ላꬂ ጳዉሎሳ ካለ ኤቂ፥ «ጳዉሎሳ፥ ነ ታስ የሩሳላመ ማርክꬍዳን ፋና ሮመን ማርክꬋደስ ቤዛነ፤ ምንጎ፤ አኮ ባያ» ያጋይዳ።
ጳዉሎሳ ዎꬎደስ ዞርንትዳ
12 ዎንትስት ዎደ አይሁዱንꬅ፥ «ጳዉሎሳ ዎꬍካይዛራ ሞኦስ ኡዦስ» ጋእ ጫቂዳ።
13 ጳዉሎሳላ ይኖ ዞርንት ጫቂደ አሱንꬅ ኦይታማፓ አꬋነ።
14 ኡን ካህኑንꬅ Ꮉላቁንꬅ ጋደ ጭሙንꬃጎ Ꮉንግ፥ «ኑኒ ጳዉሎሳ ዎꬍካይዛራ ካꬃ ጋዘባዝ ሞኦስ ጋእ ጫቂዳ።
15 ይኬ፥ ይንትን ሻንጉንꬅን ኤ ባዝ ሎይꬂ ቁርችዘባዝ የዘ ባዝ ማህ፥ ጳዉሎሳ ይንታጎ ኮኦደ ጋር ሻላቅዛ ኦጮተ። ኑኒ ኤ Ꮉና ሺቅታ የሎዳንፓ ቲኖ ኤዛ ዎꬎደስ ጊጊ በትዳ» ያጋይዳ።
16 የዝን ጳዉሎሳ ምሽት ናአይ ይና ዞርንትዳኖ ስእ Ꮉንግ ዎታዳሩንꬅ የዘ በስቶ ገሊ፥ ጳዉሎሳስ ኦህዳ።
17 ጳዉሎሳ ማቶ Ꮉላቁንꬃፓ ፈታ ጼጊ፥ «Ꮉይ ናአያ ሻላቅዘስ ኦህዘ ባዝ የዘ ግሾ ኤዛ ሻላቅዘጎ ካንጎ» ጋይዳ።
18 ማቶ Ꮉላቅዘ ናአያ ሻላቅዘጎ ካንግ፥ «አች ኬꬃ የዘ ጳዉሎሳ ታና ፋጎ ጼጊ፥ Ꮉይ ናአይ ኔስ ኦህዘ ባዝ የዘ ግሾ ኤዛ ኔጎ ኮኦደ ጋር ታና ዎስዳ» ያጋይዳ።
19 ሻላቅዘ ናአይ ኩሽቶ አይኪ፥ ባለ ኬሲ፥ «ነ ታስ ኦሆደ ቆፍታ አኮ?» ያጋእ ኦጭዳ።
20 ናአይ ሻላቅዘጎ፥ «አይሁዱንꬅ ጳዉሎሳባዝ ቲኖፓን ሚንꬂ ቁርቾደስ ኮይዘ ጋር አዝን ኔኒ ዎንታ ኤዛ ሺቅተ ኮኦደ ጋር ነና ዎሶደስ ዞረ አጭዳ።
21 የዝን ኔኒ ኡን ጋዛኖ ስእፐ። አኮስ ጋይኮ፥ ኦይታማፓ አꬍዘ አሱንꬅ ጳዉሎሳ ዎꬍካይዛራ ‹ካꬃ ሞኦስ፥ Ꮉꬅ ኡዦስ› ጋእ ጫቂ፥ አችንት ኤዛ ካፋነ። Ꮉተ ነ ጋዘባዝ ጻላላ ስኦደስ ካፋነ» ያጋይዳ።
22 ሻላቅዘ ማህ፥ «Ꮉና ኦህቶ ነ ታስ ኦህዳኖ መለ ኦደስን ኦህፐ» ያጋእ ናአያ ሱብ ዳክዳ።
ጳዉሎሳ ዎርዣ አህዘ ፍልክሳ ቲኖ ኪትዳ
23 ሻላቅዘ ማቶ Ꮉላቁንꬃፓ ላምኡንꬃና ጼጊ፥ «ቃማፓ Ꮉይꬕ ሳተ ቂሳርያ ቅቶደስ፥ ላምእ ጼት ዎታዳሩንꬃና፥ ላፑን ታም ፋራ አሱንꬃናን ላምእ ጼት ቶራ ዎርንግዙንꬃና ጊግዞተ።
24 ጋድቶ አህዘ ፍልክሳጎ ጳዉሎሳ ሳሮ የልꬆደስ ቶግዘ ፋራ ጊግዞተ» ያጋእ ኡንታና ኪትዳ።
25 ሻላቅዘ ፍልክሳስ Ꮉንጋራ ጋዘ ዳብዳበ ጻፍዳ፦
26 «ቃላዉድዮሳ ሉስዮሳፓ ጋደ አህዘ ቦንቾ ፍልክሳሳ፥ ሳሮ ኔስ ማቀ።
27 አይሁዱንꬅ Ꮉይ አꬃ አይኪ ዎꬎደስ ይአደራ፥ ኤ ሮመ ሳአ አስ ማቅዳኖ ኤሪ ዎታዳሩንꬃራ የሊ ኤዛ አሽዳ።
28 ኡን ኤዛ አኮስ ሞትዛኮ ኤሮደስ ኮይ ኡን ሺቅተ ኤዛ ታ ሺሽዳ።
29 ኡን ፋ ህግትስ ኤዛ ሞትዳፕ አትን ኤዛ ዎꬍዘባዝ ዎይ አጭዘባዝ ባይዛኖ ታ ደንግዳ።
30 ኡን Ꮉይ አꬄላ ዞርንትደ ዝግርስታ ታና የልን፥ ታ ኤልሲ ኤዛ ኔጎ ዳክዳ። ኤዛ ሞትዙንꬅ ነ ቲኖ Ꮉንግ ሞቶደ ጋር ኪትዳ» ያጋይዳ።
31 ይኒ ግሾ፥ ዎታዳሩንꬅ ኪትንትዳን ፋና ጳዉሎሳ ኤኪ፥ ቃማ አንትጳጥርሳ የልꬅዳ።
32 ዎንትስት ዎደ ፋራ አሱንꬅ ኤራ Ꮉንጎደ ጋር የይዝ አሱንꬅ ሱብ ማቅዳ።
33 ቶግዱንꬅ ቂሳርያ የሊ ዳብዳቢዛ ጋደ አህዘስ እንግ፥ ጳዉሎሳ ኤ ቲኖ አꬅዳ።
34 ጋደ አህዛይ ዳብዳቢዛ ናባብዳንፓ ማቂ «ጳዉሎሳ፥ ነ አባ ጋደ አሶ?» ጋእ ኤዛ ኦጭዳ። ኤ ክልቅያ አስ ማቅዳኖ ኤርደ ዎደ
35 «ታኒ ነባዝ ነና ሞትዙንꬅ ይእደ ዎደ ስኦዳ» ያጋይዳ። ዎታዳሩንꬅ ጳዉሎሳ ሄሮድሳ ግበ ናጎደ ጋር ኪትዳ።