Es 26. Gabiddel.
Di Leit Vadda Viddah Gezayld
1 Noch di peshtelens hott da Hah ksawt zumm Mosi un em preeshtah Eleasar, em Aaron sei boo,
2 “Zayl di gans drubb Kinnah-Israel bei iahra families. Zayl awl selli es zvansich yoah un eldah sinn es fechta kenna im greek fa Israel.”
3 So uf em ayvana land funn Moab nayvich em Jordan Revvah ivvah da revvah funn Jericho, hott da Mosi un da preeshtah Eleasar kshvetzt mitt eena un si henn ksawt,
4 “Zaylet di leit es zvansich yoah un eldah sinn, vi da Hah da Mosi gebodda hott.” Dess voahra di Kinnah-Israel es aus Egypta kumma sinn:
5 Di nohch-kummashaft funn Ruben, da eahsht-geboahra boo fumm Israel, voah:
da Henoch, vo's Henochiddah kshlecht bei kumd;
da Pallu, vo's Palluiddah kshlecht bei kumd;
6 da Hezron, vo's Hezroniddah kshlecht bei kumd;
da Charmi, vo's Charmiddah kshlecht bei kumd.
7 Sell voahra di kshlechtah fumm Ruben, un's voahra 43,730 mennah unnich eena.
8 Em Pallu sei boo voah da Eliab,
9 un em Eliab sei boova voahra da Nemuel, da Dathan un da Abiram. Dess voah sellah Dathan un Abiram es evvahshti voahra funn iahra leit un es sich geyyich da Mosi un da Aaron kshteld henn. Si henn em Korah nohch gmacht vo si sich geyyich da Hah kshteld henn.
10 Di eaht hott iahra maul uf gmacht un hott si kshlukt mitt em Korah. Selli es em Korah nohch ganga sinn, sinn umkumma vo feiyah 250 mennah fabrend hott. Sell voah en vanning gvest zu di ivvahricha.
11 Avvah em Korah sei kinnah sinn nett kshtauva.
12 Dess is di nohch-kummashaft fumm Simeon gezayld bei iahra kshlechtah:
da Nemuel, vo's Nemueliddah kshlecht bei kumd;
da Jamin, vo's Jaminiddah kshlecht bei kumd;
da Jachin, vo's Jachiniddah kshlecht bei kumd;
13 da Serah, vo's Serahiddah kshlecht bei kumd;
da Saul, vo's Sauliddah kshlecht bei kumd.
14 Sell voahra di kshlechtah fumm Simeon, un's voahra 22,200 mennah unnich eena.
15 Dess is di nohch-kummashaft fumm Gad, gezayld bei iahra kshlechtah:
da Ziphon, vo's Ziphoniddah kshlecht bei kumd;
da Haggi, vo's Haggiddah kshlecht bei kumd;
da Suni, vo's Suniddah kshlecht bei kumd;
16 da Osni, vo's Osniddah kshlecht bei kumd;
da Eri, vo's Eriddah kshlecht bei kumd;
17 da Arod, vo's Arodiddah kshlecht bei kumd;
da Ariel, vo's Arieliddah kshlecht bei kumd.
18 Sell voahra di kshlechtah fumm Gad, un's voahra 40,500 mennah unnich eena.
19 Da Ger un da Onan voahra em Juda sei boova, avvah si sinn kshtauva in Kanaan.
20 Un dess sinn di ivvahricha fumm Juda sei nohch-kummashaft es gezayld voah bei iahra kshlechtah:
da Sela, vo's Selaniddah kshlecht bei kumd;
da Perez, vo's Pereziddah kshlecht bei kumd;
da Serah, vo's Serahiddah kshlecht bei kumd.
21 Em Perez sei nohch-kummashaft voah:
da Hezron, vo's Hezroniddah kshlecht bei kumd;
da Hamul, vo's Hamuliddah kshlecht bei kumd.
22 Sell voahra di kshlechtah fumm Juda, un's voahra 76,500 mennah unnich eena.
23 Di nohch-kummashaft fumm Isachar, es gezayld voah bei iahra kshlechtah:
da Thola, vo's Tholaiddah kshlecht bei kumd;
da Phuva, vo's Phuvaiddah kshlecht bei kumd;
24 da Jasub, vo's Jasubiddah kshlecht bei kumd;
da Simron, vo's Simroniddah kshlecht bei kumd.
25 Sell voahra di kshlechtah fumm Isachar, un's voahra 64,300 mennah unnich eena.
26 Di nohch-kummashaft fumm Sebulon, es gezayld voah bei iahra kshlechtah:
da Sered, vo's Serediddah kshlecht bei kumd;
da Elon, vo's Eloniddah kshlecht bei kumd;
da Jahleel, vo's Jahleeliddah kshlecht bei kumd.
27 Sell voahra di kshlechtah fumm Sebulon, un's voahra 60,500 mennah unnich eena.
28 Di nohch-kummashaft fumm Joseph, es gezayld voah bei iahra kshlechtah deich da Manasse un da Ephraim:
29 Em Manasse sei nohch-kummashaft voah:
da Machir, vo's Machiriddah kshlecht bei kumd (Da Machir voah em Gilead sei daett);
da Gilead, vo's Gileadiddah kshlecht bei kumd.
30 Di nohch-kummashaft fumm Gilead voah:
da Hieser, vo's Hieseriddah kshlecht bei kumd;
da Helek, vo's Helekiddah kshlecht bei kumd;
31 da Asriel, vo's Asrieliddah kshlecht bei kumd;
da Sichem, vo's Sichemiddah kshlecht bei kumd;
32 da Semida, vo's Semididdah kshlecht bei kumd;
da Hepher, vo's Hepheriddah kshlecht bei kumd.
33 Em Hepher sei boo da Zelophehad hott kenn boova katt, avvah sei mayt iahra nayma voahra, Mahela, Noa, Hogla, Milka un Thirza.
34 Sell voahra di kshlechtah fumm Manasse, un's voahra 52,700 mennah unnich eena.
35 Di nohch-kummashaft fumm Ephraim, es gezayld voah bei iahra kshlechtah:
da Suthelah, vo's Suthelahiddah kshlecht bei kumd;
da Becher, vo's Becheriddah kshlecht bei kumd;
da Thahan, vo's Thahaniddah kshlecht bei kumd.
36 Di nohch-kummashaft fumm Suthelah voah:
da Eran, vo's Eraniddah kshlecht bei kumd.
37 Sell voahra di kshlechtah fumm Ephraim, un's voahra 32,500 mennah unnich eena. Di kshlechtah fumm Manasse un em Ephraim sinn awl kumma fumm Joseph sei nohch-kummashaft.
38 Di nohch-kummashaft fumm Benjamin, es gezayld voah bei iahra kshlechtah:
da Bela, vo's Belaiddah kshlecht bei kumd;
da Asbel, vo's Asbeliddah kshlecht bei kumd;
da Ahiram, vo's Ahiramiddah kshlecht bei kumd;
39 da Supham, vo's Suphamiddah kshlecht bei kumd;
da Hupham, vo's Huphamiddah kshlecht bei kumd.
40 Di nohch-kummashaft fumm Bela deich da Ard un da Naaman voahra:
da Ard, vo's Ardiddah kshlecht bei kumd;
da Naaman, vo's Naamaniddah kshlecht bei kumd.
41 Sell voahra di kshlechtah fumm Benjamin, un's voahra 45,600 mennah unnich eena.
42 Di nohch-kummashaft fumm Dan, es gezayld voah bei iahra kshlechtah:
da Suham, vo's Suhamiddah kshlecht bei kumd.
Sell voahra di kshlechtah fumm Dan.
43 Awl di kshlechtah fumm Dan voahra Suhamiddah kshlechtah, un's voahra 64,400 mennah unnich eena.
44 Di nohch-kummashaft fumm Asser, es gezayld voah bei iahra kshlechtah:
da Jimna, vo's Jimnaiddah kshlecht bei kumd;
da Jisvi, vo's Jisviddah kshlecht bei kumd;
da Beria, vo's Beriaiddah kshlecht bei kumd.
45 Di nohch-kummashaft fumm Beria voahra:
da Heber, vo's Heberiddah kshlecht bei kumd;
da Melchiel, vo's Melchieliddah kshlecht bei kumd.
46 Da Asser hott aw en maydel katt es Sarah kaysa hott.
47 Sell voahra di kshlechtah fumm Asser, un's voahra 53,400 mennah unnich eena.
48 Di nohch-kummashaft fumm Naphthali es gezayld voah bei iahra kshlechtah:
da Jahzeel, vo's Jahzeeliddah kshlecht bei kumd;
da Guni, vo's Guniddah kshlecht bei kumd;
49 da Jezer, vo's Jezeriddah kshlecht bei kumd;
da Sillem, vo's Sillemiddah kshlecht bei kumd.
50 Sell voahra di kshlechtah fumm Naphthali, un's voahra 45,400 mennah unnich eena.
51 Alles zammah voahra's 601,730 mennah unnich di Kinnah-Israel.
52 Da Hah hott no ksawt zumm Mosi,
53 “Es land soll ausgedayld sei zu eena fa en eahbshaft bei vi feel nayma es es sinn.
54 Zu en grohsi drubb gebb en grohsi eahbshaft, un zu en glenni drubb gebb en glenni eahbshaft. Si sella iahra eahbshaft greeya bei vi feel es es sinn funn eena.
55 Sei shuah es es land fadayld vatt bei's lohs zeeya. Si sella iahra eahbshaft greeya bei di nayma funn iahra foah-feddah iahra kshlechtah.
56 Alli eahbshaft soll gevva sei bei's lohs zeeya unnich di grohsi un glenni drubba.”
57 Dess sinn di Lefiddah es gezayld voahra bei iahra kshlechtah:
da Gerson, vo's Gersoniddah kshlecht bei kumd;
da Kahath, vo's Kahathiddah kshlecht bei kumd;
da Merari, vo's Merariddah kshlecht bei kumd.
58 Dess voahra aw Lefiddah kshlechtah:
es Libniddah kshlecht,
es Hebroniddah kshlecht,
es Maheliddah kshlecht,
es Musiddah kshlecht,
es Korahiddah kshlecht.
Da Kahath voah da foah-faddah fumm Amram.
59 Da nohma fumm Amram sei fraw voah Jochebed. See voah funn di nohch-kummashaft fumm Levi un voah geboahra zu di Lefiddah in Egypta. Da Amram un di Jochebed voahra di eldahra fumm Aaron, em Mosi un di Miriam.
60 Da Aaron voah da daett fumm Nadab, Abihu, Eleasar un em Ithamar.
61 Avvah da Nadab un da Abihu sinn kshtauva vo si fremd feiyah gopfaht henn fannich em Hah.
62 Es voahra 23,000 Lefiddah mansleit es en moonet adda drivvah ald voahra. Si voahra nett gezayld mitt di anra Kinnah-Israel veil see kenn eahbshaft grikt henn unnich di Israeliddah.
63 So dess voahra selli es gezayld voahra beim Mosi un em preeshtah Eleasar uf em ayvana land funn Moab am Jordan Revvah ivvah em revvah hivva funn Jericho.
64 Nett ayns funn eena voah unnich selli es da Mosi un da preeshtah Aaron gezayld katt henn vo si in di Vildahnis funn Sinai voahra.
65 Fa da Hah hott selli Israeliddah ksawt katt es si zayla shtauva in di vildahnis, un nett ayns funn eena voah ivvahrich vi yusht da Kaleb, em Jephunne sei boo, un da Joshua, em Nun sei boo.