8
1 Ngula ngayulu piṟuku nyangu tjukurpa kutjupa Mayatja Godalu ngayunya nintinnyangka. Munuṉa nyangu piti maitjara.
2 Kaṉi Mayatjalu ngayunya tjapinu, “Wati awa! Nyaa nyangatja nyuntu nyanganyi?”
Kaṉa wangkangu, “Wiya, palatja mai kuṟu tjuṯa pitingka ngaṟanyi ngalkuntjaku.”
Kaṉi wangkangu, “Uwa, mai palatja kuṟu ngaṟanyi ngalkuntjaku, ka palu puṟunypa tjiṉṯu wirkanu ngayuku nyanga walytja tjuṯa Israelkunu tjuṯa pungkula wiyantjaku. Ngayulu tjananya ngaṉmanytju kalypangku pungkuwiyangku wantingi tjana kura palyannyangka, palu kuwari nyangaṉa tjananya wiyaṉi alatjiṯu.
3 Tjiṉṯu pala palula aṉangu panya tjuṯa Israelku mayatjaku waḻi puḻkangka inma wiṟu tjuṯa pukuḻṯu inkanytjatjanungku tiṯuringkula tjituṟu-tjituṟurira puḻkaṟa ulara waṉiku, panya aṉangu winki ilura waṉiku munuya tjiwariwari ngariku puntu ilunytja tjuṯa ngura winkingka. Ka pilunpa mulapa ngaṟaku.” Alatji Godalu ngayunya wangkangu.