112
1 MEID pai ol o me majak Ieowa, me kin peren kola a kujoned akan.
2 Kadaudok a pan kelail nan jap o; kainok en me melel akan pan pwaida.
3 Im a pan dir en dipijou melel o a pun pan potopot eta.
4 Marain kin daka dan me melel akan nan waja rotorot, a kin dir en mak o kalanan o pun.
5 Meid pai ol o me kalanan, o kin kijakija wei; a pan pwaida ni anjaun kadeik.
6 Pwe a jota pan luetala kokolata; me pun amen iei men kataman joutuk eu.
7 A jota pan majak ron jued monion i me kelail ni a kaporoporeki Ieowa.
8 Monion i me kelail, a jota km majak, lao a pan peren kida a imwintiti kan.
9 A kin kamoredi o kijakij on me jamama kan; a pun pan potopot eta; oj a pan kokoda o indand mau.
10 Me doo jan Kot pan kilan ap makara kida; a pan teterokki ni akan ap joredi; inon en me doo jan Kot akan pan nikila.