13
Kapakap en Peki Sawas
1 Maing KAUN, ia erein omwi pahn ketin likidmelieiehla, e pahn kohkohlahte?
Ia erein omwi pahn ketin karirala sang ie silangmwi?
2 Ia erein ei pahn patopato nan apwal?
Ia erein mohngiongi eh pahn wie toutouki nsensuwed nin rahn oh nipwong?
Ia erein ei imwintihti kan ar pahn kin poweiehdi?
3 Maing KAUN, ei Koht, komw ketin mahsendohng ie oh sapeng ie.
Komw ketin kakehleiehda sapahl; komw dehr ketin mweidohng I en mehla.
4 Komw dehr mweidohng ei imwintihti kan en nda, “Kitail kalowedier!”
Komw dehr mweidohng re en kepitiki ei pwupwudi.
5 I kin koapworopworki sapwellimomwi limpoak poatopoat;
I kin peren, pwehki komwi pahn ketin doareiehla.
6 Maing KAUN, I pahn kouliong komwi,
pwehki sapwellimomwi kalahngan ong ie.