121
Tata Dios amachawanchisapa.
1 Urkukunata kawashpayni tapunakuni:
¿Pití ñukata yanapawanman?
2 Tukuy kay allpata sieluta rurak Tata Diosmi yanapawanka.
3 Tata Diosmi kantapish yanapashunki
ama uchata rurashpa urmanaykipa.
Kuydashuk Tata Dios manami puñunchu.
4 Israel runakunata kuydak Tata Dios
manami shaykunchu nima puñunchu.
5 Tata Diosmi allita kuydashunki.
Tata Diosmi amachashunki.
Laduykillapi kashpa yanapashunka.
6 Chashna Tata Dios amachashuptin
mana diyapi rupay
nima tutapi killa wakllichishunkachu.
7 Tata Dios yanapashunka
ama nima wakllichishunanpa.
Payka sukaman allita amachashunki.
8 Maymanpish riptiki
tukuy tiempu Tata Dios yanapashunki.