ⅩⅩⅤ
Ⅰ யா த³ஸ² கந்யா: ப்ரதீ³பாந் க்³ருʼஹ்லத்யோ வரம்ʼ ஸாக்ஷாத் கர்த்தும்ʼ ப³ஹிரிதா:, தாபி⁴ஸ்ததா³ ஸ்வர்கீ³யராஜ்யஸ்ய ஸாத்³ருʼஸ்²யம்ʼ ப⁴விஷ்யதி|
Ⅱ தாஸாம்ʼ கந்யாநாம்ʼ மத்⁴யே பஞ்ச ஸுதி⁴ய: பஞ்ச து³ர்தி⁴ய ஆஸந்|
Ⅲ யா து³ர்தி⁴யஸ்தா: ப்ரதீ³பாந் ஸங்கே³ க்³ருʼஹீத்வா தைலம்ʼ ந ஜக்³ருʼஹு:,
Ⅳ கிந்து ஸுதி⁴ய: ப்ரதீ³பாந் பாத்ரேண தைலஞ்ச ஜக்³ருʼஹு:|
Ⅴ அநந்தரம்ʼ வரே விலம்பி³தே தா: ஸர்வ்வா நித்³ராவிஷ்டா நித்³ராம்ʼ ஜக்³மு:|
Ⅵ அநந்தரம் அர்த்³த⁴ராத்ரே பஸ்²யத வர ஆக³ச்ச²தி, தம்ʼ ஸாக்ஷாத் கர்த்தும்ʼ ப³ஹிர்யாதேதி ஜநரவாத்
Ⅶ தா: ஸர்வ்வா: கந்யா உத்தா²ய ப்ரதீ³பாந் ஆஸாத³யிதும்ʼ ஆரப⁴ந்த|
Ⅷ ததோ து³ர்தி⁴ய: ஸுதி⁴ய ஊசு:, கிஞ்சித் தைலம்ʼ த³த்த, ப்ரதீ³பா அஸ்மாகம்ʼ நிர்வ்வாணா:|
Ⅸ கிந்து ஸுதி⁴ய: ப்ரத்யவத³ந், த³த்தே யுஷ்மாநஸ்மாம்ʼஸ்²ச ப்ரதி தைலம்ʼ ந்யூநீப⁴வேத், தஸ்மாத்³ விக்ரேத்ருʼணாம்ʼ ஸமீபம்ʼ க³த்வா ஸ்வார்த²ம்ʼ தைலம்ʼ க்ரீணீத|
Ⅹ ததா³ தாஸு க்ரேதும்ʼ க³தாஸு வர ஆஜகா³ம, ததோ யா: ஸஜ்ஜிதா ஆஸந், தாஸ்தேந ஸாகம்ʼ விவாஹீயம்ʼ வேஸ்²ம ப்ரவிவிஸு²:|
Ⅺ அநந்தரம்ʼ த்³வாரே ருத்³தே⁴ அபரா: கந்யா ஆக³த்ய ஜக³து³:, ஹே ப்ரபோ⁴, ஹே ப்ரபோ⁴, அஸ்மாந் ப்ரதி த்³வாரம்ʼ மோசய|
Ⅻ கிந்து ஸ உக்தவாந், தத்²யம்ʼ வதா³மி, யுஷ்மாநஹம்ʼ ந வேத்³மி|
ⅩⅢ அதோ ஜாக்³ரத: ஸந்தஸ்திஷ்ட²த, மநுஜஸுத: கஸ்மிந் தி³நே கஸ்மிந் த³ண்டே³ வாக³மிஷ்யதி, தத்³ யுஷ்மாபி⁴ ர்ந ஜ்ஞாயதே|
ⅩⅣ அபரம்ʼ ஸ ஏதாத்³ருʼஸ²: கஸ்யசித் பும்ʼஸஸ்துல்ய:, யோ தூ³ரதே³ஸ²ம்ʼ ப்ரதி யாத்ராகாலே நிஜதா³ஸாந் ஆஹூய தேஷாம்ʼ ஸ்வஸ்வஸாமர்த்²யாநுரூபம்
ⅩⅤ ஏகஸ்மிந் முத்³ராணாம்ʼ பஞ்ச போடலிகா: அந்யஸ்மிம்ʼஸ்²ச த்³வே போடலிகே அபரஸ்மிம்ʼஸ்²ச போடலிகைகாம் இத்த²ம்ʼ ப்ரதிஜநம்ʼ ஸமர்ப்ய ஸ்வயம்ʼ ப்ரவாஸம்ʼ க³தவாந்|
ⅩⅥ அநந்தரம்ʼ யோ தா³ஸ: பஞ்ச போடலிகா: லப்³த⁴வாந், ஸ க³த்வா வாணிஜ்யம்ʼ விதா⁴ய தா த்³விகு³ணீசகார|
ⅩⅦ யஸ்²ச தா³ஸோ த்³வே போடலிகே அலப⁴த, ஸோபி தா முத்³ரா த்³விகு³ணீசகார|
ⅩⅧ கிந்து யோ தா³ஸ ஏகாம்ʼ போடலிகாம்ʼ லப்³த⁴வாந், ஸ க³த்வா பூ⁴மிம்ʼ க²நித்வா தந்மத்⁴யே நிஜப்ரபோ⁴ஸ்தா முத்³ரா கோ³பயாஞ்சகார|
ⅩⅨ தத³நந்தரம்ʼ ப³ஹுதிதே² காலே க³தே தேஷாம்ʼ தா³ஸாநாம்ʼ ப்ரபு⁴ராக³த்ய தைர்தா³ஸை: ஸமம்ʼ க³ணயாஞ்சகார|
ⅩⅩ ததா³நீம்ʼ ய: பஞ்ச போடலிகா: ப்ராப்தவாந் ஸ தா த்³விகு³ணீக்ருʼதமுத்³ரா ஆநீய ஜகா³த³; ஹே ப்ரபோ⁴, ப⁴வதா மயி பஞ்ச போடலிகா: ஸமர்பிதா:, பஸ்²யது, தா மயா த்³விகு³ணீக்ருʼதா:|
ⅩⅪ ததா³நீம்ʼ தஸ்ய ப்ரபு⁴ஸ்தமுவாச, ஹே உத்தம விஸ்²வாஸ்ய தா³ஸ, த்வம்ʼ த⁴ந்யோஸி, ஸ்தோகேந விஸ்²வாஸ்யோ ஜாத:, தஸ்மாத் த்வாம்ʼ ப³ஹுவித்தாதி⁴பம்ʼ கரோமி, த்வம்ʼ ஸ்வப்ரபோ⁴: ஸுக²ஸ்ய பா⁴கீ³ ப⁴வ|
ⅩⅫ ததோ யேந த்³வே போடலிகே லப்³தே⁴ ஸோப்யாக³த்ய ஜகா³த³, ஹே ப்ரபோ⁴, ப⁴வதா மயி த்³வே போடலிகே ஸமர்பிதே, பஸ்²யது தே மயா த்³விகு³ணீக்ருʼதே|
ⅩⅩⅢ தேந தஸ்ய ப்ரபு⁴ஸ்தமவோசத், ஹே உத்தம விஸ்²வாஸ்ய தா³ஸ, த்வம்ʼ த⁴ந்யோஸி, ஸ்தோகேந விஸ்²வாஸ்யோ ஜாத:, தஸ்மாத் த்வாம்ʼ ப³ஹுத்³ரவிணாதி⁴பம்ʼ கரோமி, த்வம்ʼ நிஜப்ரபோ⁴: ஸுக²ஸ்ய பா⁴கீ³ ப⁴வ|
ⅩⅩⅣ அநந்தரம்ʼ ய ஏகாம்ʼ போடலிகாம்ʼ லப்³த⁴வாந், ஸ ஏத்ய கதி²தவாந், ஹே ப்ரபோ⁴, த்வாம்ʼ கடி²நநரம்ʼ ஜ்ஞாதவாந், த்வயா யத்ர நோப்தம்ʼ, தத்ரைவ க்ருʼத்யதே, யத்ர ச ந கீர்ணம்ʼ, தத்ரைவ ஸம்ʼக்³ருʼஹ்யதே|
ⅩⅩⅤ அதோஹம்ʼ ஸஸ²ங்க: ஸந் க³த்வா தவ முத்³ரா பூ⁴மத்⁴யே ஸம்ʼகோ³ப்ய ஸ்தா²பிதவாந், பஸ்²ய, தவ யத் ததே³வ க்³ருʼஹாண|
ⅩⅩⅥ ததா³ தஸ்ய ப்ரபு⁴: ப்ரத்யவத³த் ரே து³ஷ்டாலஸ தா³ஸ, யத்ராஹம்ʼ ந வபாமி, தத்ர சி²நத்³மி, யத்ர ச ந கிராமி, தத்ரேவ ஸம்ʼக்³ருʼஹ்லாமீதி சேத³ஜாநாஸ்தர்ஹி
ⅩⅩⅦ வணிக்ஷு மம வித்தார்பணம்ʼ தவோசிதமாஸீத், யேநாஹமாக³த்ய வ்ருʼத்³வ்யா ஸாகம்ʼ மூலமுத்³ரா: ப்ராப்ஸ்யம்|
ⅩⅩⅧ அதோஸ்மாத் தாம்ʼ போடலிகாம் ஆதா³ய யஸ்ய த³ஸ² போடலிகா: ஸந்தி தஸ்மிந்நர்பயத|
ⅩⅩⅨ யேந வர்த்³வ்யதே தஸ்மிந்நைவார்பிஷ்யதே, தஸ்யைவ ச பா³ஹுல்யம்ʼ ப⁴விஷ்யதி, கிந்து யேந ந வர்த்³வ்யதே, தஸ்யாந்திகே யத் கிஞ்சந திஷ்ட²தி, தத³பி புநர்நேஷ்யதே|
ⅩⅩⅩ அபரம்ʼ யூயம்ʼ தமகர்ம்மண்யம்ʼ தா³ஸம்ʼ நீத்வா யத்ர ஸ்தா²நே க்ரந்த³நம்ʼ த³ந்தக⁴ர்ஷணஞ்ச வித்³யேதே, தஸ்மிந் ப³ஹிர்பூ⁴ததமஸி நிக்ஷிபத|
ⅩⅩⅪ யதா³ மநுஜஸுத: பவித்ரதூ³தாந் ஸங்கி³ந: க்ருʼத்வா நிஜப்ரபா⁴வேநாக³த்ய நிஜதேஜோமயே ஸிம்ʼஹாஸநே நிவேக்ஷ்யதி,
ⅩⅩⅫ ததா³ தத்ஸம்முகே² ஸர்வ்வஜாதீயா ஜநா ஸம்ʼமேலிஷ்யந்தி| ததோ மேஷபாலகோ யதா² சா²கே³ப்⁴யோ(அ)வீந் ப்ருʼத²க் கரோதி ததா² ஸோப்யேகஸ்மாத³ந்யம் இத்த²ம்ʼ தாந் ப்ருʼத²க க்ருʼத்வாவீந்
ⅩⅩⅩⅢ த³க்ஷிணே சா²கா³ம்ʼஸ்²ச வாமே ஸ்தா²பயிஷ்யதி|
ⅩⅩⅩⅣ தத: பரம்ʼ ராஜா த³க்ஷிணஸ்தி²தாந் மாநவாந் வதி³ஷ்யதி, ஆக³ச்ச²த மத்தாதஸ்யாநுக்³ரஹபா⁴ஜநாநி, யுஷ்மத்க்ருʼத ஆ ஜக³தா³ரம்ப⁴த் யத்³ ராஜ்யம் ஆஸாதி³தம்ʼ தத³தி⁴குருத|
ⅩⅩⅩⅤ யதோ பு³பு⁴க்ஷிதாய மஹ்யம்ʼ போ⁴ஜ்யம் அத³த்த, பிபாஸிதாய பேயமத³த்த, விதே³ஸி²நம்ʼ மாம்ʼ ஸ்வஸ்தா²நமநயத,
ⅩⅩⅩⅥ வஸ்த்ரஹீநம்ʼ மாம்ʼ வஸநம்ʼ பர்ய்யதா⁴பயத, பீடீ³தம்ʼ மாம்ʼ த்³ரஷ்டுமாக³ச்ச²த, காராஸ்த²ஞ்ச மாம்ʼ வீக்ஷிதும ஆக³ச்ச²த|
ⅩⅩⅩⅦ ததா³ தா⁴ர்ம்மிகா: ப்ரதிவதி³ஷ்யந்தி, ஹே ப்ரபோ⁴, கதா³ த்வாம்ʼ க்ஷுதி⁴தம்ʼ வீக்ஷ்ய வயமபோ⁴ஜயாம? வா பிபாஸிதம்ʼ வீக்ஷ்ய அபாயயாம?
ⅩⅩⅩⅧ கதா³ வா த்வாம்ʼ விதே³ஸி²நம்ʼ விலோக்ய ஸ்வஸ்தா²நமநயாம? கதா³ வா த்வாம்ʼ நக்³நம்ʼ வீக்ஷ்ய வஸநம்ʼ பர்ய்யதா⁴பயாம?
ⅩⅩⅩⅨ கதா³ வா த்வாம்ʼ பீடி³தம்ʼ காராஸ்த²ஞ்ச வீக்ஷ்ய த்வத³ந்திகமக³ச்சா²ம?
ⅩⅬ ததா³நீம்ʼ ராஜா தாந் ப்ரதிவதி³ஷ்யதி, யுஷ்மாநஹம்ʼ ஸத்யம்ʼ வதா³மி, மமைதேஷாம்ʼ ப்⁴ராத்ருʼணாம்ʼ மத்⁴யே கஞ்சநைகம்ʼ க்ஷுத்³ரதமம்ʼ ப்ரதி யத்³ அகுருத, தந்மாம்ʼ ப்ரத்யகுருத|
ⅩⅬⅠ பஸ்²சாத் ஸ வாமஸ்தி²தாந் ஜநாந் வதி³ஷ்யதி, ரே ஸா²பக்³ரஸ்தா: ஸர்வ்வே, ஸை²தாநே தஸ்ய தூ³தேப்⁴யஸ்²ச யோ(அ)நந்தவஹ்நிராஸாதி³த ஆஸ்தே, யூயம்ʼ மத³ந்திகாத் தமக்³நிம்ʼ க³ச்ச²த|
ⅩⅬⅡ யதோ க்ஷுதி⁴தாய மஹ்யமாஹாரம்ʼ நாத³த்த, பிபாஸிதாய மஹ்யம்ʼ பேயம்ʼ நாத³த்த,
ⅩⅬⅢ விதே³ஸி²நம்ʼ மாம்ʼ ஸ்வஸ்தா²நம்ʼ நாநயத, வஸநஹீநம்ʼ மாம்ʼ வஸநம்ʼ ந பர்ய்யதா⁴பயத, பீடி³தம்ʼ காராஸ்த²ஞ்ச மாம்ʼ வீக்ஷிதும்ʼ நாக³ச்ச²த|
ⅩⅬⅣ ததா³ தே ப்ரதிவதி³ஷ்யந்தி, ஹே ப்ரபோ⁴, கதா³ த்வாம்ʼ க்ஷுதி⁴தம்ʼ வா பிபாஸிதம்ʼ வா விதே³ஸி²நம்ʼ வா நக்³நம்ʼ வா பீடி³தம்ʼ வா காராஸ்த²ம்ʼ வீக்ஷ்ய த்வாம்ʼ நாஸேவாமஹி?
ⅩⅬⅤ ததா³ ஸ தாந் வதி³ஷ்யதி, தத்²யமஹம்ʼ யுஷ்மாந் ப்³ரவீமி, யுஷ்மாபி⁴ரேஷாம்ʼ கஞ்சந க்ஷோதி³ஷ்ட²ம்ʼ ப்ரதி யந்நாகாரி, தந்மாம்ʼ ப்ரத்யேவ நாகாரி|
ⅩⅬⅥ பஸ்²சாத³ம்யநந்தஸா²ஸ்திம்ʼ கிந்து தா⁴ர்ம்மிகா அநந்தாயுஷம்ʼ போ⁴க்தும்ʼ யாஸ்யந்தி|