Ulyango 5
1 Sheshi entumi esalezi nezi hale, bholo hagamne haja eyabhandishile abhantu hohoti amwenyu.
2 Hwahuje mwemwe mmenye ahwenza ongonsi nashi omwibha nusiku.
3 Pala pavayinga apinza na pinza pagahwenza amabhibhi gabhenzela nanali, nashi guhumwenzela omaye wali ni vyanda abhantu sagabhaipona hwidala lyolyoti.
4 Lelo bhaholobhane sagamlimnginsi hatalyenze insiku nashi ahweenza umwibha.
5 Hwa huje amwe mwenti mli bhana bhasihozwo nantele mlibhana bhapasanya nantele sagatili bhana bha musiku wala mnginsi.
6 Eesho tinganje gonele nashi wamo sabha gonera tibhanje masho nantele bhasovu.
7 Hwahuje bhabha gona bhagona nusiku bhabah kholwa bhakholwa nusiku.
8 Hwahuje ate tili bhana bha pasanya nateletibhe maaso, tikwate nkwela nulweteho nu lugano, nenkofilwa iyenjela agatibhiha pinza ahwaushe hunsiku zyezihweza.
9 Hwahuje Ungolobhe sagatisaluye huwandilo hujeali nenkuniii, hwahuje tipete ahwaushe hwidalaelwa goosi uYesu U Kilisti.
10 Yuyo atifweleye huje nkatibhe masoo au tigonele talhala padwemo enawoo.
11 Hwahuje yanganaji nazenganaji mwemwe hwa mwemwe nashi sambhomba.
12 Holowane tibhalabha mubhamanye bhala bhabha twumwa mhati yenyu bhabhali pamwanya yenyu huijo ogosi, nabhala abha pansi bhabha sunda.
13 Tibhalabha nantele mubhamanye nabhapele usalifyo mulubhongano lwenyu mwemwe.
14 Tabhalajizya bhaholo mubhasunde bhala bhasaga bhabhala wolowolo bhapeli umwoyo bhabha hwizirile bhavwanji apena mntukumile hwawontie.
15 Enyaji asahabhe omuntu wawonti yasovya amabhibhi hwamabhibhi hwamntu yoyonti hwahuje bhombaji gagali minza hwamntu omo omo na bhonti.
16 Sogwanyi ensiiku zyonti.
17 Puntaji ensiku zyonti.
18 Salifyaji Ongolobhe hwahantu hohonte hwahuje gonti lugano lwa Ngolobhe huliwi nu Yesu U Kilisti.
19 Msahazimwe opepo.
20 Mganje hunshente onkohwa.
21 Lenganji amambo gonti mkhataje elinza.
22 Mwepeshe hubhoneshelo owaubhibhi.
23 Ongolobhe owalutengano abhashimizye huwogolosu opepo omwoyo vibhahwe bila sebho ahwiize hwakwe ogosi wetu uYesu Kilisti.
24 Ola wabhakwizizye mwaminifu wope abhomba.
25 Bhaholo tipuntilaji tenti.
26 Bhalamhanji aholo bhonti nayailane ouzelu.
27 Embabhola hwitawa lya gonsi huje ikalata eeli limanyilwe hwa holo bhoti.
28 Ewenee iya gonsi wetu U Yesu Kilisti abhe nate ntenti.