124
Ir faabaroo si hun kala Abadantaa do
1 Woo ti žigiyanoo dooni kaŋ Dawda nʼa don.
Nda a gar Abadantaa nka sii ir bande,
Izirayel mʼa har ka nee kaŋ
2 nda a gar Abadantaa nka sii ir bande
waatoo kaŋ ra borey tun ir se,
3 i gʼir gon ka gar ir ga huna,
waatoo kaŋ i futu ir ga,
4 haroo gʼir yoole,
isaa gʼir daabu,
5 bonday futawey gʼir kar ka bisa.
6 Albarka ma bara Abadantaa se
kaŋ mana naŋ ir ma tee ham hiɲey ra!
7 Ir hundoo hallasi sanda ciraw
kaŋ hun ciraw hookey kumsaa ra.
Kumsaa dunbu, ir zuru.
8 Ir faabaroo sii kala Abadantaa maaɲoo ra,
nga kaŋ na beenaa nda laboo tee.